Խոհանոցի դիզայնում տարածված խնդիրները և դրանց հնարավոր լուծումները (մաս 1)
Հաճախ, երբ խոսվում է խոհանոցի նախագծման մասին, հաճախորդներից լսում ենք բողոքներ այն մասին, թե ինչն է սխալ կամ հիասթափեցնող թվում իրենց խոհանոցում…
Նման խնդիրների մեծ մասը բխում է նրանից, որ խոհանոցը չի նախագծվում՝ հաշվի առնելով սեփականատերերի բոլոր պահանջները:
Prestige Furniture-ի մասնագետները առաջին հերթին ծանոթանում են Ձեզ, ուսումնասիրում Ձեր ճաշակը և սովորությունները, հասկանում Ձեր կենցաղը և այն, թե ինչպես եք պատրստվում օգտագործել խոհանոցը:
Մենք կօգնենք Ձեզ կազմել ցուցակ, որտեղ կնշենք բոլոր դրական և բացասական կետերը, որոնք պետք կլինի հաշվի առնել նախագծման փուլում: Prestige Furniture-ի դիզայներները մանրակրկիտ կուսումնասիրեն Ձեր պատկերացումները և ցանկությունները, որպեսզի հետագայում խուսափեք հնարավոր հիասթափություններից և խնդիրներից, որոնց մասին կխոսենք ստորև:
Ոչ բավականաչափ տարողունակություն
Խոհանոցի նախագծման փուլում ի հայտ եկող ամենատարածված խնդիրներից է, տարածության ոչ բավարար տարողունակությունը, երբ չես կարողանում պատշաճ կերպով պահեստավորել և տեղավորել իրերը: Սա առաջացնում է վիզուալ թափթվածություն և կարող է հիասթափեցնել Ձեզ: Նույնիսկ ամենափոքր խոհանոցում վերին և ստորին պահարանները պետք է հասանելի լինեն` ճիշտ նախագծում շնորհիվ:
Օրինակ, դարակները ավելի լավ կարող են տեղավորել թավաները, քան պահարանները: Փոքր խոհանոցի տարողունակությունը մեծացնելու համար նպատակահարմար կլինի շարունակել վերին պահարանները մինչև առաստաղը և ունենալ աթոռակ, որը Ձեզ համար հասանելի կդարձնի պահարանի ամենաբարձր հատվածները: Պահեստավորման համար շատ լավ տարբերակ են նաև գատնի դարակները, որոնք նախատեսված են, հատկապես, փոքր իրերը տեղավորելու համար, օրինակ՝ գաջեթներ, գործիքներ և սպասք:
Վատ նախագծած դասավորություն
Խոհանոցի վատ դասավորությունը անընդհատ կխոչընդոտի և կբարդացնի Ձեր աշխատանքը և, ի վերջո, կհանգեցնի հիասթափության: Ձեր խոհանոցը պետք է ծառայի Ձեզ՝ հարմարեցված Ձեր աշխատանքայինընթացքին և նախընտրած դասավորությանը:
Դա ճիշտ իրականացնելու համար, Prestige Furniture-ի դիզայներները կուսումնասիրեն Ձեր ապրելակերպը, սովորությունները և խոհանոցի պահանջների մասին պատկերացումները, ինչպես նաև, այն, թե քանի մարդ է ապրում ձեր տանը, ով է սիրում պատրաստել և որն է Ձեր նախընտրած խոհարարական ոճը: Այս ամբողջ ինֆորմացիան պետք է օգտագործվի Ձեր խոհանոցի ճիշտ դասավորությունը նախագծելու ժամանակ:
Թեև շատ դիզայներներ դեռևս նախընտրում են օգտագործել ավանդական խոհանոցային եռանկյունին, կարծում ենք, որ նախապատրաստման, լվացման և պատրաստման համար առանձին տարածքներ կամ գոտիներ սահմանելը կարող է հանգեցնել ավելի արդյունավետ և անհատականացված դիզայնի:
Աշխատանկային տարածքի պակաս
Սեղաներեսի բացակայությունը կամ սխալ դասավորուտյունը շատ հաճախ հանդիպող դիզայներականխնդիր է: Այն կարող է նաև ամենահիասթափեցնողներից մեկը դառնալ, քանի որ սեղաներեսը անհրաժեշտ էխոհանոցում կատարվող գրեթե յուրաքանչյուր գործունեության համար:
Սեղաներեսը պետք է տեղադրվի ճիշտ հատվածում` խոհանոցում աշխատանքային ընթացքը չխոչընդոտելու համար: Օրինակ, եթե այն հեռու լինի ջեռոցից, Դուք ստիպված կլինեք տաք կաթսան ձեռքներիդ վազվզել ամբողջ խոհանոցով…
Նախագծման փուլում շատ կարևոր է հաշվի առնել այս բոլոր մանրուքները:
Աշխատանքային տարածքում տեղաշարժը
Անհրաժեշտ է մանրակրկիտ նախագծել խոհանոցային տարածքը, որպեսզի մեկից ավելի մարդիկ կարողանան անարգել տեղաշարժվել Ձեր խոհանոցում` առանց միմյանց խանգարելու:
Միևնույն ժամանակ, եթե Դուք երեխաներ ունեք, ապա պետք է այնպես նախագծել խոհանոցը, որ նրանք չվազվզեն Ձեր կողքով, երբ Ձեր ձեռքում տաք կաթսա է կամ սուր դանակներ:
Գերադասելի է ստեղծել լավ պլանավորած աշխատանքային տարածք և միայն մեկ մուտք, այնպես որհեշտությամբ կարողանաք վերահսկել խոհանոցի ելումուտը: Prestige Furniture-ի մասնագեները խորհուրդ են տալիս հաճախ օգտագործվող տեխնիկան, օրինակ սառնարանը, տեղադրել խոհանոցի մուտքի մոտակայքում, որպեսզի Ձեր ընտանիքի անդամները կարողանան օգտվել դրանից` առանց խոհանոցի մյուս ծայրը հասնելու:
