Բլոգ
Խոհանոցի դիզայնում տարածված խնդիրները և դրանց հնարավոր լուծումները (մաս 2)
Ապր
Սխալ տեղադրված պահարաններ և կենցաղային տեխնիկա
Կարևոր է, որ պահարաններն ու կենցաղային տեխնիկան, ոչ միայն ճիշտ դիրքավորում ունենան և դյուրին լինեն օգտագործման համար, այլև նաև ճիշտ տեղադրված լինեն: Prestige Furniture-ի մասնագետները խորհուրդ են տալիս քայլուղիներին տրամադրել 90 սմ-ից ոչ պակաս լայնությամբ տարածք, որպեսզի դռներն ու դարակները ազատ բացվեն:
Միաժամանակ, դրանք չպետք է իրարից շատ հեռու տեղադրված լինեն` որպեսզի Դուք է ստիպված չլինեք ավելորդ քայլեր կատարել աշխատանքի ընթացքում: Նմանապես, կարևոր է, որ պատի ջեռոցներն ու միկրոալիքային վառարաններն այնքան բարձր տեղադրված չլինեն, որպեսզի կարողանաք անարգել վերցնել տաք սնունդը: Հաշվի առեք նաև այն, թե ինչպես են բացվում Ձեր պահարանի և սարքավորումների դռները, դրանք պետք է համապատասխանեն Ձեր խոհանոցի ընդհանուր տրամաբանությանը:
Վատ օդափոխության համակարգ
Պատշաճ օդափոխությունը, որը իրականացվում է լավ օդամղիչի միջոցով, թույլ է տալիս հեռացնել ճարպը, գոլորշին և ճաշ պատրաստելու հոտը խոհանոցից: Այլապես դրանք կարող են մնալ Ձեր հագուստի կամ կահույքի վրա, ինչը հատկապես տհաճ է բաց տարածքներում` երբ խոհանոցը միացված է հյուրասենյակին:
Ընտրեք հնարավոր լավագույն մոդելը և համոզվեք, որ Դուք ընտրել եք խողովակի ճիշտ չափը` համապատասխան օդամղիչին: Նման մոտեցումը կապահովի ավելի անաղմուկ և արդյունավետ աշխատանք, կլինի նաև ավելի էներգաարդյունավետ , իսկ որակյալ սարքը երկար կծառայի Ձեզ: Հաշվի առեք նաև, թե որքան աղմուկ կստեղծի Ձեր օդամղիչը, սա ևս շատ տարածված սխալ է, երբ նախապատվությունը չի տրվում անաղմուկ շարժիչով մոդելին:
Վերջինս հատկապես ակտուալ է, եթե Ձեր խոհանոցը բաց նախագիծ ունի և բնակելի տարածքի մի մասն է կազմում, կամ բավականաչափ մեծ է, որպեսզի բոլորը հաճախ կարողանան հավաքվել այնտեղ: Այս պարագայում մարդիկ պետք է կարողանան անարգել զրույց վարել կամ լսել հեռուստացույցի ձայնը, մինչ մեկ ուրիշը ճաշ է պատրաստում խոհանոցում:
Փոքր տարածք աղբամանի համար
Խոհանոցը կահավորելու ժամանակ հաճախ անետեսվում է բավականաչափ տարածք տրամադրել աղբը տեղավորելու համար՝ համաձայն ընտանիքի կարիքների:
Պահարանի մեջ հարմարավետ տեղադրված աղբամանն ապահովում խոհանոցի մաքուր տեսքը և թաքցնում աղբի հոտը: Իրականությունն այն է, որ նման տարան այդ պարագայում շատ փոքր է լինում և շատ արագ լցվում է, ինչը նշանակում է, որ Դուք մշտապես պետք է այն դատարկեք: Այս խնդիրը շատ տարածված է, քանի որ դիզայներները երբեմն հաշվի չեն առնում ընտանիքի կարիքները և ընտանիքի անդամների քանակը, թե որքան հաճախ են սիրում պատրաստել խոհանոցում, նրանց խոհարարության ոճը և այլն:
Անբավարար լուսավորություն
Մեկ այլ տարածված խնդիր կապված է խոհանոցային աշխատանք իրականացնելու համար ոչ բավարար լուսավորություն ապահիվելու հետ: Պատշաճ լուսավորությունը կարևոր է, քանի որ այն կենտրոնացնում է ուղիղ լույսը կոնկրետ տեղերի վրա: Դրանք հիմնականում այն տարածքներն են, որտեղ Դուք պատրաստում եք սնունդ, օրինակ՝ սեղանի, սեղաներեսի, ջեռոցի և լվացարանի տարածքները:
Սննդի պատրաստման համար օգտագործվող սեղաներեսները հաճախ տեղադրվում են անմիջապես վերին պահարանների տակ, ուստի առանց լրացուցիչ լուսավորության, պահարանները ստվեր են գցում աշխատանքային մակերեսի վրա և դժվարեցնում սննդի պատրաստման գործընթացը:
Կարելի է հեշտությամբ լուծել այդ խնդիրը՝ լուսավորություն տեղադրելով վերին պահարանների ներքևի հատվածում, ինչը պատշաճ կերպով կլուսավորի Ձեր սեղաներեսները: Կարող եք նաև տեղադրել լապտեր պահարանների մեջ, որպեսզի հնարավոր լինի տեսնել ամբողջ պարունակությունը: Մեկ այլ հիանալի լուծում է կղզյակի վերևում լամպերի տեղադրելը, որը շատ գեղեցիկ է և պրակտիկ՝ օգտագործման մեջ:
Սխալ տեղադրված վարդակներ և անջատիչներ
Նախագծման փուլում մենք երբեմն չենք պատկերացնում, որ էլեկտրական անջատիչները և վարդակները այնտեղ չեն գտնվում, որտեղ մեզ դրանք հետագայում անհրաժեշտ կլինեն:
Մենք բոլորս օգտագործում ենք մեր խոհանոցները տարբեր կերպ, և Ձեր դիզայները պետք է հաշվի առնի Ձեր կարիքները այս իրերը տեղադրելու ժամանակ: Այսպիսով, մի վախեցեք արտահայտել Ձեր ցանկությունները և գաղափարները: Եթե դուք ցանկանում եք ունենալ լրացուցիչ վարդակներ կամ անջատիչներ, ապա պետք է նախագծման ժամանակ քննարկեք բոլոր հնարավոր տարբերակները:
Այնուամենայնիվ, պետք է հիշել, որ էլեկտրական վարդակների տեղադրումը պետք է համապատասխանի անվտանգության կանոններին: Prestige Furniture-ի դիզայներները սիրով խորհուրդներ կտան Ձեզ այս կանոնների վերաբերյալ և կօգնեն գնտել լավագույն տարբերակը` դեռևս նախագծման փուլում: