Բլոգ
Ժամանակակից զգեստապահարան միջանցքում՝ գեղեցիկ և հարմարավետ տարածք ստեղծելու գաղափարներ
Մյս
Միջանցքի ինտերիերը պետք է լինի գեղեցիկ, ֆունկցիոնալ և մանրակրկիտ պլանավորված: Prestige Furniture-ի մասնագետները կնախագծեն Ձեր միջանցքը ժամանակակից ոճով` հաշվի առնելով Ձեզ անհրաժեշտ պահարանների առկայությունը:
Լեփ-լեցուն դարակները և խառը-խշտիկ լցված բաց մակերեսները փչացնում են ցանկացած ինտերիերի տեսքը… Ժամանակակից ոճով նախագծված միջանցքի պահարանները, լինեն դրանք անկյունային, կուպե, թե ներկառուցված` մեկընդմիշտ կլուծեն պահեստավորման խնդիրը: Ճիշտ ընտրված կահույքը ոչ միայն կօգնի կազմակերպել, այլև կզարդարի Ձեր տարածքը։ Ստորև մենք կկիսվենք նորաոճ միջանցքներ ունենալու գաղափարներով և պատկերացումներով:
Ի՞նչպես նախագծել ժամանակակից դիզայն ունեցող միջանցքի պահեստային համակարգը
Հարկավոր է հիշել, որ միջանցքի, համամատաբար, փոքր տարածությունը պետք է տեղավորի այն ամենը, ինչ Ձեզ հարկավոր է, ուստի անհրաժեշտ է հետևել զոնավորման պարզ կանոնին:
Նախագծեք ձեր տարածությունը այնպես, որ կարողանաք օգտագործել այն ամբողջությամբ: Խորհուրդ ենք տալիս խուսափել բարդ երկրաչափական ֆորմաներից, վառ գույներից` փոխարենը օգտագործելով բնական գույներ և պարզ ֆորմաներ: Ավելի շատ փայտ, ավելի քիչ պլաստիկ: Prestige Furniture-ում մենք նախընտրությունը տալիս ենք MDF-ից պատրաստված կամ շպոնապատ կահույքին:
Ի՞նչպես ընտրել ճիշտ զգեստապահարան
Միջանցքի համար կահույք ընտրելիս հարկավոր է մտածել այնպիսի մանրամասների մասին, ինչպիսիք են օրինակ՝ տվյալ պահարանը օգտագործողների հասակը, կամ կոնկրետ ինչ եք պահելու այնտեղ: Չէ՞ որ, յուրաքանչյուր հագուստ հատուկ պահպանման պայմաններ է պահանջում։ Ավելի լավ է նախապես որոշել դարակների բարձրությունը, որպեսզի վերարկուներն ու զգեստները անարգել կախվեն։
Բացի հագուստից, անհրաժեշտ է տեղ թողնել զանազան աքսեսուարների համար՝ պայուսակներ, գոտիներ, գլխարկներ և այլն։ Եթե տարածքը թույլ է տալիս, լավ կլինի մի փոքրիկ տեղ տրամադրել բանալիների, դրամապանակների և այլ մանր իրերի համար: Հաշվի առեք նաև կոշիկի դարակի գտնվելու վայրը. լավ կլինի, եթե այն մոտ լինի մուտքի դռանը:
Հայելու տեղը պլանավորելիս, ընտրեք այնպիսի տարածք, ուր հասնում է բնական լույսը: Եթե դա հնարավոր չէ, ապա արժե նախօրոք ապահովել այս հատվածի պատշաճ լուսավորությունը: Դուք կկարողանաք տարածք խնայել, ինչպես նաև վիզուալ ընդլայնել սենյակը պահարանի հայելային դռների շնորհիվ:
Կախված նախագծից, կարող եք ընտրել փակ կամ բաց ճակատով պահարաններ: Փակ ճակատը լավագույն և նվազագույն ռիսկային տարբերակն է: Այսպիսով, դուք ստիպված չեք լինի մշտապես հոգ տանել իրերի կատարյալ կարգի մասին և պարբերաբար մաքրել դրանց փոշին: Բաց կամ թափանցիկ ճակատով դարակները ևս նորաոճ լուծում են, սակայն միայն այն դեպքում, եթե դուք պատրաստ եք պահպանել դրանց անբասիր «Instagram-յան» գեղեցկությունը և կարգ ու կանոնը 🙂
Համակցված պահարանային համակարգերը համատեղում են բաց և փակ ճակատները։ Ամենից հաճախ նման մոդելները կարող են ներառել նստատեղ, հայելի և կախիչներ:
«Թաքնված» զգեստապահարանը այս տարվա իրական թրենդն է։ Նման էֆեկտին հասնելու համար Ձեր պահարանի երեսը պետք է լինի նույն գույնի ինչ պատն է: Մինիմալիստական ինտերիերում հատակի գույնին համապատասխանող պատերով մոդելները նույնպես շատ հետաքրքիր կնայվեն: Նման դեպքում ճակատային մասը կարելի է դարձնել հայելի։ Այժմ թրենդային են նաև փայտե դիզայնով ֆասադները, որոնք կրկնում են փայտի բնական նախշերը:
Շարժական դռներով զգեստապահարանները միջանցքում
Փոքր միջանցքում տեղադրված զգեստապահարանների համար շարժական դռները շատ ավելի նախընտրելի են բացվողներից: Նման դռների դեպքում կարելի է չանհանգստանալ պահարանի ճակատային մասը կամ հայելիները վնասելուց: Փոքր սենյակի համար Prestige Furniture-ի մասնագետները խորհուրդ են տալիս ընտրել կոկիկ երկդռնանի տարբերակ, իսկ հնարավորինս շատ օգտագործվող տարածք ստանալու համար՝ այն «ձգել» հատակից մինչև առաստաղ:
Նման պահարանը կկարողանաք հեշտությամբ լցնել տարբեր անհրաժեշտ դարակներներով, կախիչներով, կոշիկի համար նախատեսված դարակներով և այլն։ Նախապես պետք է հաշվի առնել նաև պահարանի ներսի լուսավորությունը:
Դուք միայն կշահեք, եթե փոքր միջանցքի կահույքը վիզուալ թեթև նայվի։ Նման էֆեկտի կարելի է հասնել` բաց գույներ ընտրելով: Չափազանց մուգ երանգները տեսողականորեն փոքրացնում են տարածությունը: Prestige Furniture-ի մասնագետները խորհուրդ են տալիս օգտագործել հայելիներ կամ բաց գույներ ունեցող տարբերակները: