7 կենցաղային սխալ, որոնք կփչացնեն ձեր խոհանոցի սեղաներեսը

Ձեր խոհանոցի ընդհանուր տեսքը կախված է ոչ միայն նրանում գտնվող կահույքի դիզայնից, այլև` խոհանոցի գլխավոր դետալներից մեկից, սեղաներեսից:

Խոհանոցի սեղաներեսը ամեն օր ակտիվորեն օգտագործվում է, ուստի և պատշաճ խնամք է պահանջում: Prestige Furniture-ի մասնագետները կպատմեն Ձեզ, թե ինչից է պետք խուսափել, որպեսզի սեղաներեսը պահպանի իր էսթետիկ հատկությունները և երկար տարիներ ծառայի Ձեզ:

Մի օգտագործեք թթուներ պարունակող քիմիական հեղուկներ

Խոհանոցի սեղաներեսը հաճախ նկատելիորեն կեղտոտվում է, ուստի տնային տնտեսուհիները միշտ փնտրում են այն մաքրելու ամենաարդյունավետ միջոցները։ Ինչպես կանոն, նրանք ընտրում են թթուներ պարունկակող քիմիական հեղուկներ: Հիշեք, որ նման նյութերը հարկավոր է չափազանց զգույշ օգտագործել` սեղաներեսը մաքրելիս, անկախ նրանից, թե ինչից է այն պատրաստված: Քիմիական նյութերը կարող են վնասել սեղաներեսի մակերեսը, ազդել դրա գույնի և կառուցվածքի վրա:

Մի օգտագործեք ագրեսիվ մաքրող նյութեր և հղկանյութեր

Ոչ միայն թթուները, այլ նաև մաքրող հեղուկների բաղադրության մեջ պարունակվող այլ ագրեսիվ նյութերը կարող են կրճատել Ձեր սեղաներեսի կյանքը: Դրանց ազդեցությունից սեղաներեսը կարող է փոխել գույնը, գունաթափվել, կորցնել փայլը և ձեռք բերել տգեղ բծեր։ 

Նույնիսկ ամենափոքր հղկող մասնիկները կարող են վնասել այն՝ միկրո քերծվածքները սկզբում անտեսանելի կլինեն, իսկ հետո խոնավությունն ու փոշին կլանելով՝ կսկսեն քայքայել սեղաներեսի հյուսվածքները: Զգույշ եղեք խոհանոցում այլ իրեր մաքրելիս. շատ կարևոր է նաև, որ սեղաներեսի վրա չհայտնվեն այնպիսի կոպիտ նյութեր, ինչպիսիք են հակաճարպային քսուքները:

Մի տեղադրեք տաք կաթսաները սեղաներեսի վրա

Գրեթե բոլոր նյութերը վատ են արձագանքում ջերմաստիճանի փոփոխություններին: Կան բացառություններ, օրինակ, կերամիկան: Սակայն, պետք է զգույշ լինեք փայտի և փայտը փոխարինող նյութերի հետ: Պարբերաբար, սեղաներեսի այս կամ այն հատվածում տաք կաթսա տեղադրելը, նկատելիորեն կփչացնի դրա  մակերեսը: Ստուգեք՝ արդյոք տաքանում է Ձեր տոստերի, սրճեփի, գրիլի կամ այլ էլեկտրական սարքերի հատակը:  Եթե այո, ապա տեղադրեք դրանք միայ հատուկ տակդիրների վրա: Չի կարելի նաև տաք թեյնիկ, կաթսա կամ թավա տեղադրել սեղաներեսի վրա` առանց հատուկ տակդիրների:

Մի անտեսեք կտրող տախտակները

Սեղաներեսի գլխավոր թշնամին` դանակներն են: Մի ծուլացեք կտրող տախտակ օգտագործել ամեն անգամ, երբ ինչ-որ բան կտրելու կարիք ունեք: Խնդիրը ոչ միայն տեսանելի խորշերն են, որոնք առաջանում են սուր գործիքից, այլև հազիվ նկատելի քերծվածքները, որոնք կարող են հայտնվել սեղաներեսի վրա ինչ-որ բան կտրելիս։ Նրանց թիվը կաճի, և ժամանակի ընթացքում, ամբողջ մակերեսը կծածկվի քերվածքներիվ։ Որպեսզի Ձեզ դրդեք օգտագործել կտրող տախտակներ, գնեք գեղեցիկ հավաքածու և պահեք այն Ձեր տեսադաշտում:

Միշտ սրբե՛ք ջրի հետքերը

Կան սեղաներեսներ, որոնք ջրից չեն վախենում, օրինակ՝ արհեստական քարը։ Բայց եթե Ձեր սեղաներեսը պլաստիկատից, լամինատից, փայտիծ, կամ շպոնապատ է ` զերծ մնացեք աշխատանքային մակերեսի վրա լրացուցիչ խոնավությունից:

Մեկ անգամից ոչինչ չի լինի: Բայց եթե դուք պարբերաբար մոռանում եք սրբել ջուրը և դրա հետքերա, սեղաներեսը կսկսի քայքայվել և կորցնել իր տեսքը: Յուրաքանչյուր ճաշ պատրաստելուց կամ լվանալուց հետո չորացրեք սեղաներեսը` հատուկ ուշադրություն դարձնելով անկյուններին։