Բլոգ

Ինչպես ընտրել խոհանոցի պահարանների ճիշտ չափը (մաս 1)

31
Մյս

Լայնություն, բարձրություն և խորություն — Prestige Furniture-ի մասնագետները այսօր կվերլուծեն, թեինչ չափի պետք է լինեն խոհանոցի պահարանները և ինչպես նախագծել կատարյալ կահույք:

Ցանկացած խոհանոցում կենտրոնական տեղը տրվում է խոհանոցային պահարաններին։ Դա մի ամբողջ բազմամակարդակ կառույց է՝ աշխատանքային մակերեսով, տեխնիկայով և պահեստավորման համակարգերով։

Հենց պահարանից է մեծապես կախված, թե որքան հարմարմարավետ կլինի Ձեր խոհանոցը, ուստի շատ կարևոր է ճիշտ նախագծել դրա բոլոր բաղադրիչները:

Ստորև կդիտարկենք խոհանոցի վերին և ստորին պահարանների ձևերն և չափսերը

Ստորին պահարանները նախագծելիս շատ կարևոր է աշխատանքային մակերեսի` սեղաներեսի համար ապահովել հարմարավետ բարձրություն, որպեսզի տեղավորվեն բոլոր ներկառուցված սարքերը:

Ստանդարտ չափսեր.

Ընդհանուր բարձրությունը` հատակից 85-90սմ:

Պատվանդան` հատակից 10սմ:

Խորությունը` 55սմ-ից սկսած (դարակը ինքնին սովորաբար գրավում է 50 սմ+ 10մմ պաշար):

Նվազագույն չափը հիմնված է ստանդարտ 60սմ սեղաներեսի վրա, որը պահանջում է մի քանի սանտիմետր հեռավորություն` առջևից և հետևից:

Դուրս եկող դարակների առկայության դեպքում առավել հաճախ օգտագործվում են 56-58սմ խորությամբ պահարաններ: Իննսուն սանտիմետրանոց սեղաներեսի պարագայում հարմար է 76սմ խորությամբ ստորին մասը:

Լայնությունը՝ միջինը 35-80 սմ, սակայն լինում են նաև նեղ և լայն դարակներ։ Այս չափերը ընտրվում են կախված դասավորությունից, սենյակի չափից և սարքավորումների քանակից:

Prestige Furniture-ի մասնագետները խորհուրդ են տալիս պահարանի ներսի դարակների միջև հեռավորությունը պահել 20-40սմ-ի սահմաններում։ Բայց այս ցուցանիշը կարող է փոփոխվել. օրինակ, եթե Դուք նախագծեք հատուկ դարակ` բարձր շշերի կամ ծաղկամանների համար: Կամ, ընդհակառակը, ավելի շատ ցածր դարակներ`հարթ ափսեների համար:

Խոհանոցի վերին շարքի դարակների չափսեր

Ի տարբերություն ստորին բլոկի, որի մեջ ներկառուցված են մեծ սարքավորումները (սպասք լվացող մեքենա, ջեռոց և այլն), վերին շերտը, որպես կանոն, նախատեսված է բացառապես պահեստավորման համար։

Ստանդարտ չափսեր.

Խորությունը` միջինը 30-35սմ, սովորաբար վերցվում է 1: 2 հարաբերակցությամբ սեղաներեսի համեմատ:

Լայնությունը՝ 15-80սմ, պատին ամրացվող դարակները լայնությամբ կարող են ճիշտ համապատասխանել ստորիններին կամ= տարբերվել քանակով և չափսերով:

Որպեսզի ինտերիերը կոկիկ և գեղեցիկ տեսք ունենա, երկրորդ տարբերակի համար ավելի լավ է օգտագործել մինիմալիստական պարզ ֆասադներ՝ առանց բռնակների, որպեսզի տեսողական աններդաշնակություն չլինի։

Բարձրությունը՝ 70-90սմ: Խորհուրդ է տրվում դարակի հատակի և աշխատանքային մակերեսի (սեղաներեսի) միջև թողնել առնվազն 50սմ, որպեսզի հարմար լինի աշխատել։

Երբեմն անգամ հնարավոր է ավելացնել երրորդ, լրացուցիչ պահարանների շարքը:

Դա ցածր պահարաններն են, որոնք լրացնում են մինչև առաստաղը եղած տարածությունը։ Այս լուծումը միանգամից մի քանի առավելություն ունի. լրացուցիչ պահեստային տարածք է ապահովում, ազատում է դժվար հասանելի վայրում մաքրելու անհրաժեշտությունից, իսկ Ձեր պահարանը, ընդհանուր առմամբ, կոկիկ և համապարփակ տեսք է ստանում: