Անկյունային պահարան խոհանոցում. որն ընտրել և ինչպես օգտագործել այն…

Անկյունային պահարանը խոհանոցային կահույքի ամենահակասական մասերից մեկն է: Մի կողմից, այն լրացուցիչ պահեստային տարածք է, մյուս կողմից` հաճախ շատ անհարմար է լինում օգտագործել այն։ Այսօր Prestige Furniture-ի մասնագետները կպատմեն ժամանակակից լուծումների մասին, որոնք միտված են վերացնելու անհարմարության խնդիրը:

Ի՞նչ ընդհանուր բան ունեն П-աձև խոհանոցային կահույքը և Г-աձև խոհանոցը: Երկու դեպքում էլ ակտիվ ներգրավված է տվյալ սենյակի անկյունը: Նման դասավորությունը թույլ է տալիս ներդաշնակորեն օգտագործել տարածքը` անգամ ճաշասեղան և աթոռներ տեղադրելով: Անկյունային խոհանոցի պահարանները կարող են իսկապես շատ օգտակար լինել, եթե դրանք նախապես են նախագծվում:

Այսօր հայաստանյան շուկայում առկա է հատուկ մեխանիզմների և համակարգերի բավականին լայն ընտրություն, որոնց կիրառության շնորհիվ հնարավոր է մաքսիմալ հարմարավետություն ստանալ նման պահարաններում:

Անկյունային պահարանների տեսակները

Ըստ իրենց տեղադրման վայրի, պահարանները կարելի է բաժանել երեք տեսակի.

Հատակի.

Բավական ընդարձակ, հուսալի, հարմար են խոշոր սպասք և կենցաղային տեխնիկա պահելու համար։ Հատակի անկյունային պահարանի բարձրությունը կլինի նույնը, ինչ ստանդարտ կահույքինը՝ 90սմ-ից ոչավել: Լայնությունը կախված է նպատակից: Օրինակ, լվացարանի դեպքում այն կարող է հասնել մեկ մետրի կամ նույնիսկ ավելի: Հատակի մոդուլի միջին լայնությունը սովորաբար չի գերազանցում 80սմ-ը:

Խորությունը կարող է զգալիորեն ավելի մեծ լինել, քան ստանդարտ մոդուլը, քանի որ դռնից մինչև հեռավոր անկյունը մեծ հեռավորության ենք ունենում: Միջին խորությունը մոտ 56-65սմ է, իսկ, օրինակ, անկյունային տրապեցիանման դեպքում, այն կարող է հասնել գրեթե 90սմ-ի:

Կախովի.

Ավելի համեստ չափերով, քան հատակինները, ոչ այնքան ընդարձակ, նախատեսված են ավելի քիչ քաշի համար: Ուղղանկյուն անկյունային կախովի խոհանոցային դարակների խորությունը նույնն է, ինչ ստանդարտներինը՝ ոչ ավելի, քան 40սմ: Բայց եռանկյունաձև և տրապեցիանման դեպքերում կարող է շատ ավելի շատ լինել` ճակատից մինչև հեռավոր անկյունը առաջացած հեռավորության պատճառով: Բարձրությունը կարող է տարբեր լինել: 

Միջինը մոտ 80սմ է, բայց, Prestige Furniture-ի մասնագետները խորհուրդ են տալիս այն երկարացնել դեպի առաստաղ: Նման նախագծման դեպքում վերին դարակների բարձրությունը մետր է կամ ավելի: Միջին լայնությունը մոտ 65-68սմ է, 40 սմ` ստանդարտ կախվածքի լայնությամբ:

Պենալներ.

Մեկ սյուն, որը ամբողջությամբ տեղավորվում է անկյունում: Այն կարող է լինել փակ դռներով, բաց դարակներով կամ ցուցափեղկերով։ Պենալ-պահարանը խոհանոցի կահույքի ամենաընդարձակ տարբերակներից է։ Այն հարմար է պահեստավորման և ներկառուցված տեխնիկայի համար։ Պահարանի բարձրությունը ամենից հաճախ համընկնում է կախովի դարակների հետ։ Միևնույն ժամանակ, այն կարող է խորությամբ հավասար լինել հատակի պատվանդանին կամ զգալիորեն գերազանցել դրանց խորությունը, եթե ունի տրապեցիանման ձև:

Պահարանների նախագծում

Երկու պահարան կողք կողքի.

Պատկերացրեք միմյանց ուղղահայաց տեղադրված 2 պահարան, որոնց ճակատները կազմում են 90° անկյուն։ Միանշանակ, սա ամենահարմար տարբերակը չենք կարող համարել։ Մի պահարանի դուռը բացելիս երկրորդն այլևս չի բացվի։ Բացի այդ, դարակներից մեկը կունենա «կույր գոտի», այսինքն՝ դժվարամատչելի անկյուն։

Г-աձև մոդուլներ.

Շատ ավելի հարմարավետ տարբերակ է: Նման պահարանների հետևի պատերը հարում են սենյակի երկու ուղղահայաց պատերին: Հիմնական առավելությունը՝ բոլոր դարակները և դրանց պարունակությունը լիարժեք հասանելի են:

Սովորաբար, նման մոդուլը փակվում է կամ երկու կախովի դռներով կամ ծալովի դուռ-գրքով: Սակայն, պետք է չմոռանալ, որ ընդարձակությունը այս դիզայնի ամենաուժեղ կողմը չէ: Դարակների լայնությունը իրենց անսովոր ձևի պատճառով փոքր է։

Տրապեցիանման.

Երեքից ամենամեծ տարբերակը. Նման տարբերակում պահարանի կողային պատերը երկարությամբ հավասար են հարակից ուղիղ մոդուլների խորությանը:

Եվ ինքնին տրապեցիանման պահարանի խորությունը, պայմանավորված այն հանգամանքով, որ այն հնարավորինս հարում է սենյակի անկյունին, շատ ավելի մեծ է, քան ստանդարտները: Նման նախագծի բացասական կողմը դարակի հեռավոր եզրից իրեր հանելն է 🙂