Բլոգ

6 կենցաղային սովորություն, որոնք կազատեն Ձեզ խոհանոցի խառնաշփոթից

01
Օգս

1.Մինչև վերջ մի լցրեք դարակները

Նախքան խանութում հերթական գնումը կատարելը, մտածեք, թե որտեղ եք պահելու այդ ապրանքը և արդյոք արդեն ունեք դրանից: Սա վերաբերում է, օրինակ, սպասքին և ուտեստ պատրաստելու պարագաներին։

Սովորեք խոհանոցում դարակները կիսադատարկ թողնել։ Այսպիսով, պահեստավորման համակարգը ավելի լավ կաշխատի, իսկ դուք ստիպված չեք լինի մտածել, թե որտեղ դնել ալյուրի տոպրակը կամ հերթական շաքարամանը: Եթե ​​Ձեր խոհանոցը լեփ-լեցուն է, ապա ավելի ու ավելի շատ իրեր կսկսեն կուտակվել բաց մակերեսների վրա՝ սեղաներեսների, պատուհանագոգերի, ճաշասեղանների վրա… Այս բոլոր ավելորդ բաները քաոսի զգացում կառաջացնեն Ձեր խոհանոցում:

2. Անմիջապես հետ դրեք վերցրածը

Ամեն ինչ իր տեղը դնելու պարզ սովորությունը գործնականում հազվադեպ է կիրառվում… Իրականում,դա չափախանց հեշտ է… հենց որ սովորեք օգտագործելուց հետո ամեն բան անմիջապես իր տեղը դնել` խառնաշփոթը կհեռանա խոհանոցից։ Այս սովորությունը կազատի Ձեզ մի քանի օրը մեկ ցրված իրերի գլոբալ տեսակավորում կազմակերպելուց, իսկ պահեստավորումը շատ ավելի կոկիկ կդարձնի:

3. Նախքան ճաշ պատրաստելը, ազատեք աշխատանքային տարածքը

Եթե ​​Ձեր սեղաներեսի վրա ինչ-որ բան կա, հեռացրեք այն նախքան ճաշ պատրաստելը: Աշխատանքային մասում մաքուր և ազատ տարածություն ունենալը ոչ միայն հարմար է, այլև օգնում է խուսափել լուրջ խառնաշփոթից։ Եփելու ժամանակ միշտ ինչ-որ բան կաթում է և թափվում։ Որքան շատ իրեր լինեն սեղաներեսի վրա այդ պահին, այնքան ավելի շատ Ձեզ հարկավոր կլինի լվանալ կամ սրբել` ճաշ պատրաստելուց հետո: Բացի այդ, խառնաշփոթ սեղանի վրա ավելի դժվար կլինի գտնել այն, ինչ Ձեզ անհրաժեշտ է:

4. Խոհանոցում աշխատելուց հետո սրբել խոհանոցային տեխնիկան

Պետք չէ սպասել, մինչև ճարպը և մուրը կկարծրանան ջեռոցում կամ միկրոալիքային վառարանում, քանի որ հետո դրանք լվանալը շատ ավելի դժվար կլինի: Եփելուց հետո սպասեք մինչև սարքը սառչի և անմիջապես սրբեք այն խոնավ շորով: Երբեմն սննդի մնացորդները կարելի է հեռացնել նույնիսկ առանց լվացող միջոցների օգտագործման, եթե դա արվի անմիջապես: Ձեր սարքերը մաքրելու համար մի քանի րոպե ծախսելով՝ դուք նաև կերկարացնեք դրանց կյանքը:

5. Հնարավորինս քիչ իր պահեք սեղաներեսի վրա

Որքան դատարկ լինի Ձեր սեղաներեսը, այնքան ավելի հեշտ կլինի կարգուկանոն պահպանել: Դատեք ինքներդ`  փոշին մաքրելու համար պետք չի լինի վերադասավորել անթիվ ամաններ և բաժակներ։ Բացի այդ, պետք չի լինի պարբերաբար լվանալ սեղանի վրայի ավելորդ սպասքը, որի վրա շատ արագ փոշի կկուտակվի: Որքան շատ իրեր ունենաք սեղաներսների վրա, այնքան ավելի հավանական է, որ դրանց մեջ մի քանի նոր իրեր կկորչեն, և կավելանա խառնաշփոթը։ Եվ, ընդհանուր առմամբ, տեսողականորեն «մաքուր» տարածքը շատ ավելի կոկիկ տեսք ունի:

6. Պատշաճ դասավորեք Ձեր դարակները

Շատ կարևոր է ճիշտ նախագծել պահեստավորման համակարգը, հակառակ դեպքում այն ​​պարզապես «չի աշխատի», և բոլոր անհրաժեշտ և հաճախ օգտագործվող իրերը կհայտնվեն բաց տարածքներում՝ սեղան, սեղաներես, պատուհանագոգ: 

Prestige Furniture-ի մասնագետները խորհուրդ են տալիս բոլոր առավել հարմար են դարակները, թողնել առաջին անհրաժեշտության և ամենահաճախ օգտագործվող իրերի համար: Իսկ, օրինակ, վերին պահարանները կարող են ծառայել ապագայի համար գնված ապրանքների, քիչ օգտագործվող սպասքի և աքսեսուարներըի համար: Պահպանման պատշաճ կազմակերպումը շատ կարևոր է, որպեսզի Ձեր խոհանոցում ամեն ինչ լինի հարմար և «ձեռքի տակ»

Դե, իսկ իդեալական խոհանոց ունենալու համար` դիմեք Prestige Furniture: