Խոհանոցի դիզայն 2023.Prestige Furniture-ի առաջարկներն ու թռենդերի միտումները 
Նորաձևությունը դա որոշակի ժամանակի ընթացքում ընդունված արժեքների և ճաշակների միաձուլում է: Տան տարբեր սենյակների ձևավորումը խիստ կախված է նորաձևությունից և թռենդերից: Այս պնդումը լիովին վերաբերում է նաև խոհանոցի ձևավորմանը: Խոհանոցի վերանորոգում պլանավորելիս և խոհանոցային կահույք գնելիս պետք է իմանաք, թե խոհանոցի դիզայնի ինչ նոր միտումներ ակտուալ կլինեն 2023 թվականին։
Խոհանոցի ոճը
Prestige Furnitire-ի դիզայներները խոհանոցի դիզայնի հիմնական ուղղությունը սահմանում են որպես էսթետիկայի և հարմարավետության համադրություն: Հայտնի են խոհանոցների հետևյալ ոճերը. ավանդական-դասական, գյուղական և Պրովանս, նեոկլասիկ, մինիմալիստական, Արտ Դեկո, Ֆյուժն և Լոֆտ:
Դասական
Դասական ոճով խոհանոցները ավանդաբար պատրաստվում են փայտից, կամ դրա համարժեք փոխարինիչներից: Այս ոճին բնորոշ են պանելապատ ֆասադները, փորագրված դեկորների առատությունը, փայտե տարրերի արտադրության մեջ պատինացիայի կիրառումը: Հաճախ խոհանոցային հավաքածուները զարդարված են վիտրաժներով, ոսկեզօծմամբ և խճանկարներով: Նման խոհանոցները իսկապես շքեղ ու հետաքրքիր տեսք ունեն։
Ռետրո
Ռետրո ոճով խոհանոցները զբաղեցնում են գնորդների շրջանում ամենատարածված դիրքերից մեկը: Նման կահույքը հատկապես լավ է նայվում ընդարձակ խոհանոցում։ Այս ոճն առանձնանում է կահույքի նուրբ պաստելային գույներով, պղնձե և լատունե դեկորների և կցամասերի օգտագործմամբ, փայտանման ճակատների պանելների կոր գծերով:
Նեոկլասիկ
Նեոկլասիկ ոճը բնութագրվում է տարրերի սիմետրիկ դասավորությամբ, հանգիստ գունապնակով, սեղաներեսի և խոհանոցային «գոգնոցի» համար բնական քար օգտագործելով: Նման ոճի կահույքը նրբագեղ և ժամանակակից տեսք ունի:
Մինիմալիստական
Մինիմալիստական խոհանոցները 2022 թվականին հնարավորինս ֆունկցիոնալ դարձան։ Ճակատների թվացյալ պարզության հետևում թաքնված են արդյունավետ սարքավորումները և էրգոնոմիկ մեխանիզմները, որոնք թույլ են տալիս արագ կատարել զանազան գործողություններ: Մինիմալիստական խոհանոցներն առանձնանում են դեկորի բացակայությամբ, ճակատների ճիշտ երկրաչափական գծերով և թաքնված կցամասերի օգտագործմամբ։ Նման կահույքը արտադրվում է բնական երանգների գույներով, իսկ հաճախ նաև` տարբեր գույների համադրությամբ:
Արտ Դեկո
Արտ Դեկո ոճի օգտագործումը խոհանոցում թույլ է տալիս ստեղծել շքեղ տպավորիչ ինտերիեր: Այս ոճի հայեցակարգը ի հայտ եկավ անցյալ դարի 20-30-ական թվականներին, իսկ 2022 թվականին հատկապես հայտնի դարձավ։ Այս ոճը բնութագրվում է հակապատկեր դեկորով, փայլուն մակերեսներով, արտահայտիչ գունապանակով, բյուրեղապակու օգտագործմամբ, իսկ հարդարման մեջ նաև` ոսկեզօծմամբ և արծաթապատմամբ։
Ֆյուժն
Ֆյուժն խոհանոցը հաճախորդին գրավում է կանոնների բացակայությամբ և տարբեր տարրերի համարձակ համադրությամբ: Այս ոճում օգտագործվում են վառ գույների, հյուսվածքների և օրիգինալ դեկորների համադրություն:
Լոֆտ
Լոֆտ ոճը գնահատում են արդյունաբերական գեղագիտության սիրահարները։ Լոֆտ ոճի խոհանոցը պարզ է և ֆունկցիոնալ: Այս ոճը բնութագրվում է ընդգծված հյուսվածքով և զուսպ, խլացված գունապանակի օգտագործմամբ:
