5 փոքր խոհանոց, որոնք հիանալի նախագիծ ունեն
Այսօր Prestige Furniture–ի մասնագետները հավաքել են մի քանի ոգեշնչող նախագծի օրինակ: Դուք կտեսնեք, թե ինչպես է հնարավոր նախագծել բոլոր անհրաժեշտ տարածքները նույնիսկ ամենափոքր խոհանոցում:
Միկրո խոհանոց, որն ունի անհրաժեշտ ամեն ինչ
Այս բնակարանը նախատեսված են վարձակալության համար, ուստի անհրաժեշտ էր առավելագույնը օգտակար տարածք ստանալ 19,7 քառակուսիների վրա։ Խոհանոցը փոքր է, բայց այն ունի բացարձակապես այն ամենը, ինչ անհրաժեշտ է ուտելիք պատրաստելու և պահելու համար։ Առաջին հայացքից անհավատալի է թվում, բայց կահույքի մեջ հնարավոր եղավ տեղավորել միկրոալիքային վառարան և, նույնիսկ, սառնարան։ Չնայած այն հանգամանքին, որ տեխնիկան ներկառուցված չէ (այն տեղադրվել է հենց պահարանների ներսում), այն հաջողությամբ թաքնված է դռների հետևում։ Բացի այդ, տրամադրվել է նաև մի քանի պահեստավորման դարակ՝ սպասք և աքսեսուարներ պահելու համար, իսկ սեղանի վրա տեղադրվել է փոքրիկ սալօջախ։
Փոքր խոհանոց՝ կիսաթափանցիկ գոգնոցով
Այս ստուդիայի փոքր տարածքը բաժանված էր մի քանի ֆունկցիոնալ տարածքների։ Խոհանոցի և ննջասենյակի միջև տեղադրվել է ապակե բլոկներից պատրաստված դեկորատիվ բաժանարարը։ Նման բլոկեր տեղադրվել են նաև խոհանոցի գոգնոցի տարածքում, որի պատի հետևը սանհանգույցն է։ Այսպիսով, միանգամից երկու դեկորատիվ խնդիր է լուծվում՝ մի փոքր բնական լույս ներթափանցում է լոգարան, իսկ, երբ այնտեղ միանում է լույսը, գոգնոցի հատվածը հիանալի լուսավորվում է։
Խոհանոցի ընդարձակ պահեստավորուման տարածքը նախագծվել է՝ երկարացնելով պահարանների վերին շարքը մինչև առաստաղ: Վերին դարակներում հարմար է պահել այն իրերը, որոնք հազվադեպ են օգտագործվում: Աշխատանքային տարածքը փոքր է, բայց կրճատված երկու այրիչով օջախը հիանալի տեղավորվել է այնտեղ: Սառնարանը ներկառուցվել է սեղանի տակ գտնվող պահարաններից մեկում:
Հարմարավետ և կոմպակտ անկյունային խոհանոց
Այս փոքրիկ խոհանոցը՝ նստարանային տարածքով, նախագծվել է դասական և քանթրի ոճերը համատեղելով: Ներկապնակն ընտրվել է համապատասխան: Կահույքը «Г»-աձև է դասավորված երկու հարակից պատերի երկայնքով։ Այսպիսով, հնարավոր դարձավ ստեղծել կոմպակտ խոհանոց՝ մեծ պահեստային տարածքով: Գազօջախն ու վառարանը՝ նախագծած ռետրո ոճով, ներկառուցված են պահարանի ստորին շերտի մեջ։ Կահույքի մյուս կողմում փոքրիկ լվացարանով տարածք է: Հարմարավետ բազմոցը տեղավորվել է պահարանների ու պատուհանի արանքում, իսկ դրա դիմաց նախագծվել է ճաշասենյակի հատվածը՝ կլոր սեղանով։
Մուգ խոհանոց, որը ամենևին մռայլ չէ
Այս խոհանոցը ստեղծվել է «Օտարը» (Alien) ֆիլմո երկրպագուի համար: Խոհանոցը նախագծված է նմանատիպ ոճով, բայց առանց ֆիլմին հստակ հղումների, որպեսզի մթնոլորտը հնարավոր լինի փոփոխել: Չնայած այն հանգամանքին, որ գունապնակը հիմնված է մուգ գրաֆիտի երանգների վրա, սպիտակ և բաց մոխրագույն ներդիրների շնորհիվ այն մռայլ տեսք չունի: Այստեղ ընտրված են լակոնիկ և ոճային նյութեր. օրինակ, խոհանոցում տեղադրված է մինիմալիստական ոճի կահույք՝ էմալապատ ֆասադներով՝ առանց կցամասերի, իսկ աշխատանքային տարածքը զարդարված է քվարցային ագլոմերատով։ Ֆասադների տեղադրված ապակե ներդիրները արտացոլում են լույսը և կահույքի տեսքը «թեթևացնում»: Հետաքրքիր լուծում՝ պահարանների կողային մասում տեղադրվել է բաց դարակ, որի մեջ ներկառուցված է տեխնիկա, իսկ պահեստավորման համար կարելի է տրամադրել ազատ դարակները։
Փոքրիկ խոհանոց` հանգստի տարածքով
Ի սկզբանե այս բնակարանը դասական մեկ սենյականոց բնակարան էր՝ փոքրիկ խոհանոցով։ Վերակառուցման արդյունքում տարածքը կտրուկ փոխվել է՝ հայտնվել են երկու առանձին սենյակներ, իսկ խոհանոցում՝ պատուհանի մոտ, փոքր հանգստի գոտի է հատկացվել։ Ինտերիերի դիզայնը հիմնված էր շրջակա լանդշաֆտի վրա՝ բնակարանից տեսանելի է անտառը։ Այսպիսով, հիմք են ընդունվել չեզոք բնական երանգները և հյուսվածքները: Հանգստի համար անկյունում գտնվող պատերը զարդարվել են խցաններով: Կահույքը նախագծվել է մինչև առաստաղ՝ ավելի շատ պահեստային տարածք տրամադրելու համար: Չնայած խոհանոցի փոքր չափերին, հաջողվել է նաև ավելացնել ամբողջ անհրաժեշտ տեխնիկան։ Միկրոալիքային վառարանը դրվել է կահույքի վերին շերտի դարակներից մեկի վրա, իսկ սառնարանը՝ պահարանի մեջ։
Նման հարմարավետ և ոճային խոհանոց ունենալու համար` դիմեք Prestige Furniture:
