Խոհանոցի դիզայն 2023. հիմնական միտումներն ու թրենդերը

Խոհանոցի ժամանակակից դիզայնը պարզության և հարմարավետության էլեգանտ համադրություն է: Ոսկեզօծ դետալները, ուռճացված ֆորմաները և վառ գույները իրենց տեղը զիջել են հանգիստ երանգներին և մինիմալիստական ​​լուծումներին: Այսօր Prestige Furniture-ի մասնագետները կպատմեն Ձեզ, թե ինչպես հեշտությամբ ընտրել գերժամանակակից խոհանոց` տարբեր ոճերի և նյութերի բազմազանության մեջ:

ժամանակակից ոճերը

Խոհանոցի ժամանակակից դիզայնը համատեղում է արտաքին զսպվածությունը և էրգոնոմիկան: Այսօր կրկին նորաձև են նրբագեղ պարզությունը, ուղիղ բարակ գծերը, լակոնիկ շեշտադրումները: Այս տարրերը ունեցող կահույքի հավաքածուները նրբագեղ ու հարմարավետ են։ 2023 թվականին թրենդային են կհամարվեն հետևյալ ոճերը՝ մոդեռն, նեոկլասիկական, սկանդինավյան և մինիմալիզմ։

Ժամանակակից ոճ

Ժամանակակից ոճի խոհանոցը զուսպ դիզայնի և օգտագործման հարմարավետության համադրություն է: Ժամանակակից դիզայնը չունի հստակ ոճային շրջանակ, այն համատեղում է մի շարք միտումներ և առանձնահատկություններ՝ մինիմալիզմ, սկանդի, լոֆթ, բարձր տեխնոլոգիաներ, նեոկլասիցիզմ: Սա յուրօրինակ նոր ինտերիերի միտում է, որը թույլ է տալիս նախագծել տարբեր, շատ ֆունկցիոնալ խոհանոցներ: 2023-ի ոճն իր նախորդներից յուրաքանչյուրից վերցրել է լավագույնը` օգնելու հարմարավետ, գեղեցիկ ինտերիեր ստեղծել հարմարավետության և հանգստի համար:

Ժամանակակից ոճի առանձնահատկությունն այն է, որ այն իդեալական է ներդաշնակ ինտերիեր ստեղծելու համար ինչպես փոքրիկ ստուդիաներում, այնպես էլ` ընդարձակ խոհանոցներ ունեցող բնակարաններում: Խոհանոցը ժամանակակից ոճով նախագծելով՝ հեշտությամբ կարելի է փոքր տարածքների համար կոմպակտ կահույքի հավաքածուներ ստեղծել: Իսկ, եթե, սենյակի տարածքը մեծ է, ապա ինտերիերը կարելի է ընդլայնել և համալրել բար-սեղանով կամ կղզյակով, ճաշասեղանով, աշխատանքային տարածքով և հանգստի համար նախատեսված բազմոցով:

Սկանդինավյան ոճ

Սկանդինավյան ոճը 2023 թվականի խոհանոցային դիզայնի գլխավոր միտումներից մեկն է։ Scandi-ն հիմնված է սպիտակ մակերևույթների և բաց փայտե էլեմենտների համադրության վրա: Նման ոճի կահույքը թեթև և էլեգանտ տեսք ունի, և շատ հարմարավետ և ֆունկցիոնալ է:

Սկանդինավյան ոճի համար բացարձակ տաբու են համարվում շքեղ զարդարանքը, վառ գույներն ու ոսկեզօծումը։ Հյուսվածքային երեսներ, խլացված գունապնակի գործվածքներ, բնական լույս՝ այս ամենը «հյուսիսային» ինտերիերը դարձնում է ջերմ և հաճելի:

Նման խոհանոցի դիզայնը նաև շատ հեշտ է փոփոխել՝ պարբերաբար վերադասավորելով կահույքը, փորձարկելով տարբեր տեքստիլները և ավելացնելով հետաքրքիր էլեմենտներ, ինչպիսիք են, օրինակ դիզայներական լամպը կամ ծաղկամանը:

Մինիմալիզմ

Ինչպես արդեն նշեցինք, 2023-ի նորաձև խոհանոցները զուսպ և ոճային տեսք ունեն։ Նրանց առանձնահատկությունը գծերի պարզությունն է և ավելորդ մանրամասների բացակայությունը։ Այստեղ վերանում են անգամ դարակների և պահարանների բռնակները` ինտեգրվելով կահույքի հարթ ճակատների հետ:

Նորաձև մինիմալիստական ​​խոհանոցի դասավորության կարևոր առանձնահատկություններից է ճիշտ լուսավորությունը, որը տեսողականորեն էլ ավելի է ընդարձակ դարձնում տարածությունը։ Խոհանոցի տարբեր հատվածները համալրված են առանձին լուսատուներով՝ ճաշասենյակի վերևում գտնվող լուսարձակներ, աշխատանքային տարածքում լուսադիոդային լույսեր, պահարանների դեկորատիվ և ֆունկցիոնալ լուսավորություն։ Ցրված լուսավորությունը` 2023-ի հիմնական միտումներից է։ Ցրված, մեղմ լուսավորությունը Ձեր խոհանոցը երեկոյան կվերածի շատ հարմարավետ սենյակայի:

Նեոկլասիկ ոճ

Համահունչ լինելով 2023-ի հարմարավետ օգտագործման թրենդին, նեոկլասիցիզմը համատեղում է ուղիղ ճակատները և դասական ոճի բնորոշ ռելիեֆը ժամանակակից և ֆունկցիոնալ լուծումների հետ՝ մտածված պահեստավորման համակարգեր, բարձր տեխնոլոգիական լուծումներ և վառ տարրեր: Նման ոճը Ձեր խոհանոցին թարմ և նորաձև տեսք կհաղորդի:

Նեոկլասիցիզմը բնութագրվում է.

• մեկ գունային սխեմայով,
• վառ տարրերի բացակայությամբ,
• բնականը նմանակող նյութերով,
• որակյալ լուսավորությամբ:

Թրենդային գույները

2023-ին նորաձև խոհանոցի գույները խլացված և շատ բնական են: Վառ երանգները իրենց տեղը զիջում են պաստելային գույներին։ Prestige Furniture-ում գլխավորում են մոխրագույն, սպիտակ և բեժ գույնի խոհանոցները՝ բաց աննկատ շեշտադրումներով: Ճակատների հանգիստ երանգները շարունակվում են ճաշասենյակի աթոռների, հյուրասենյակի բազմոցի, պատի և գոգնոցների պաստառապատման մեջ։

Prestige Furniture-ի մասնագետները գտնում նե, որ խոհանոցի համար նորաձեւ կահույքն եկող տարում կարող է լինել բազմագույն՝ կանաչ, կապույտ, վարդագույն։ Կարևոր է միայն ընտրել ոչ թե վառ, այլ խլացված պաստելի երանգներ, որոնք տեսողականորեն կընդլայնեն Ձեր խոհանոցի տարածությունը։