Բլոգ
Սպիտակ փայլ խոհանոցի ինտերիերում. գույների համադրման կանոնները
Հնվ
Սպիտակ փայլը չափազանց բծախնդիր է գունային համադրությունների առումով: Այն հիանալի տեսք ունի ինչպես մուգ, այնպես էլ ավելի բաց երանգների հետ համադրելիս, և նույնիսկ կարմիր կամ կանաչ շեշտադրումները կարող են լավ նայվել դրա ֆոնին: Պաստելային գույները կօգնեն Ձեր ինտերիերին հանգիստ մթնոլորտ հաղորդել՝ նոսրացնելով փայլի խստությունը։
Սպիտակ խոհանոցի հարդարումը
Սպիտակ փայլուն կահույքով խոհանոցի պատերի գունապնակը ուղղակիորեն կախված է նրանից, թե ինչպիսի մթնոլորտ եք ցանկանում ստեղծել սենյակում: Օրինակ, եթե խոհանոցի պատուհանները նայում են դեպի արևոտ կողմ, ապա Prestige Furniture-ի մասնագետները խորհուրդ են տալիս մի փոքր մգացնել ինտերիերը՝ ուշադրություն դարձնելով մոխրագույնին, շագանակագույնին կամ նույնիսկ սևին։ Գերազանց տարբերակ կլինի նաև մուգ գույների պաստելային, խլացված տարբերակները, օրինակ՝ կապույտ կամ կանաչ:
Ընդհակառակը, եթե սենյակը զուրկ է արևի առատությունից, ապա ավելի լավ է պատերն անել բաց, չեզոք երանգներով՝ բեժ, բաց մոխրագույն, գունատ դեղին, բաց կանաչ, կապույտ, սպիտակ: Այս դեպքում կարելի է նաև օգտագործել խլացված երանգներ՝ դրանք համարվում են վերջին տարիների հիմնական միտումը։
Նման խոհանոցում առաստաղը, որպես կանոն, մնում է սպիտակ՝ կահույքի գույնի։ Այնուամենայնիվ, կախված ընտրված ոճից, այն կարող է լինել կամ փայլուն կամ փայլատ: Ավելի լավ է ընտրել հատակի ծածկույթ, որը շատ գրավիչ չէ, բայց գույնով տարբերվում է կահույքից, որպեսզի ստորին պահարանները «չխեղդվեն»: Դա կարող է լինել չեզոք գույնի սալիկը, քարը, կամ փայտանման լամինատը:
Սեղաներես
Սպիտակ խոհանոցում սալիկների գույների ընտրությունը չափազանց հարուստ է: Դասական լուծում կարող է լինել հակապատկեր ստանալը` սև գույնով, որն իդեալական է ժամանակակից Hi-Tech ոճի խոհանոցների համար: Մուգ երանգներ ունեցող բնական կամ արհեստական քարից պատրաստված սալիկը նույնպես կարող է ոչ պակաս օրիգինալ տեսք ունենալ:
Ավելի հարմարավետ և զուսպ տարբերակ կլինեն նաև չեզոք գույների սալիկները՝ մոխրագույն, բեժ, փայտանանման: Որոշ դեպքերում, Prestige Furniture-ի մասնագետները կարող են առաջարկել օգտագործել նաև սպիտակ տարբերակներ, սակայն, ուշադրություն դարձրեք, որ այս գույնը ինտերիերում դոմինանտ չդառնա:
Գոգնոցը
Գոգնոցը կարող է լինել ինչպես սեղաներեսի, այնպես էլ պատերի, և նույնիսկ կահույքի երեսների գունապնակի տրամաբանական շարունակությունը: Prestige Furniture-ի դիզայներների կարծիքով, բաց գույնի սալիկները լավագույն ընտրությունն են քիչ բնական լույս ունեցող խոհանոցների համար: Ձեր խոհանոցին կարող եք վառ գույներ հաղորդել արևոտ դեղին կամ պիստակե գոգնոցով։ Եթե Ձեր ինտերիերը, ընդհակառակը, չափազանց բաց է, ապա սև կամ մուգ մոխրագույն գոգնոցը հիանալի միջոց կլինի հակադրություն ավելացնելու համար:
Լվացարանը
Լվացարանի գույնի ընտրությունը հիմնականում կախված է սալիկների գույնից, այլ ոչ թե կահույքի ճակատներից: Պողպատե գույնի լվացարանը կարող է դառնալ հիանալի տարբերակ, եթե համալրվի համապատասխան ծածկույթ ունեցող այլ դետալներով ՝ խառնիչ, թեյնիկ, միկրոալիքային վառարան:
Սպիտակ լվացարանը հիանալի լուծում կլինի բաց գույնի սալիկների դեպջում և ներդաշնակորեն կնայվի ընդհանուր ինտերիերի մեջ: Այնուամենայնիվ, եթե Ձեր սեղաներեսը մուգ գույնի է, ապա լվացարանը նույնպես պետք է լինի դրան մոտ գույնի։
Կահույքը
Սպիտակ խոհանոցում կահույքի գույնն ընտրելիս Prestige Furniture-ի մասնագետները հաճախ օգտագործում են երեք հիմնական տարբերակներ՝ այն կարող է շարունակել ճակատների գունային թեման, լինել հակադիր գույնի կամ ներդաշնակ լինի խոհանոցի գոգնոցի կամ սեղանի հետ: Որոշ դեպքերում, որպես վառ շեշտ կարելի է օգտագործել նաև վառ գույների ճաշասեղանը և աթոռները:
