Ինչպես է խոհանոցի գույնը ազդում ախորժակի վրա
Արդյո՞ք գույները ազդում են Ձեր ախորժակի վրա: Գրաֆիկական դիզայներ և գովազդային խորհրդատու Հարալդ Բրամահամը, իր «Գույնի հոգեբանություն» գրքում պատասխանում է այս հարցին. «Գույները ուղղակիորեն ներգրավված են մեր մարմնում տեղի ունեցող կենսաքիմիական և ֆիզիոլոգիական գործընթացներին, մենք պարզապես չենք նկատում դա: Նրանք կարող են ազդել շնչառության կամ ճնշման հաճախականության վրա… արթնացնել ծարավի կամ սովի զգացմունք, հրահրել ագրեսիա և այլն … »:
Գույները նաև մեր ախորժակի կարևոր խթանիչներից են: Ռեստորաններ, սրճարաններ, ֆուդքորտեր կամ խանութներ այցելելով, մեր աչքը սովոր է դարձել տարբեր ինտերիերների, ցուցափեղկերի և փաթեթավորումների: Մենք գրեթե չենք նկատում գույների այդ ծովը: Մինչդեռ պրոֆեսիոնալ մարկետոլոգները այդ գունային պալիտրաները օգտագործում են, որպես թիրախավորման արդյունավետ գործիք:
Եթե ցանկանում եք վերահսկել Ձեր կերած սննդի քանակը և ուտելու սովորությունները, զգուշորեն ընտրեք խոհանոցի կահույքի, դեկորի տարրերի և աքսեսուարների գունապնակը: Ճիշտ գույների ներքո, Դուք ոչ միայն կսովորեք վերահսկել սննդի քանակը, այլև կսկսեք ուտել հարմարավետ և հանգիստ միջավայրում։
Կարմիր – էներգիա հաղորդող
Կարմիրը ինքնին կյանքի գույնն է՝ տաք արյուն, որը կարող էր հագեցնել նախնադարյան որսորդին, ջերմացնող կրակ, սիրո վառ կիրք… Հասարակության համար կարմիրը նշանակալից գույն է եղել հնագույն ժամանակներից։ Արդի փուլում, կարմիրը ասոցացվում է պինդ առողջության, էներգիայի, ինքնավստահության և բարձր կատարողականության հետ: Այն հուզում և խթանում է, արագացնում է սրտի աշխատանքը, նույնիսկ բարձրացնում արյան ճնշումը։ Այն հաճախ օգտագործվում է քաղցրավենիքի և համեմունքների համար նախատեսված նյութերի փաթեթավորման համար։
Կարմիրը նաև ուժեղացնում է ուղեղի բջիջների ակտիվությունը։ Շատերը չեն կարողանում երկար ժամանակ մնալ վառ կարմիր կամ բորդո գույների պատեր կամ կահույք ունեցող տարածքներում. նրանք անհանգստություն, լարվածություն, հոգեբանական անհարմարություն են սկսկում զգալ և ձգտում են հայտնվել ավելի հանգիստ և չեզոք միջավայրում:
Պատահական չէ, որ ճաշարաններում և բոլոր տեսակի բիստրոներում պատերը զարդարված են կարմիր գույնի երանգներով։ Ենթադրվում է, որ հյուրերը արագ կհագեցնեն իրենց քաղցը (և կպատվիրեն ավելին, քան սպասվում էր) և արագ կհեռանան՝ տեղ բացելով հաջորդի հաճախորդի համար։ Ուստի կարմիրի առկայությունը այնպիսի հայտնի արագ սննդի ցանցերի ինտերիերում և փաթեթավորման մեջ, ինչպիսիք են KFC-ն և McDonald’s-ը, նույնպես պատահական չէ:
Դեղին – դրական հույզեր պարգևող
Ջերմ, արևոտ, ոսկեգույն, Prestige Furniture-ում մենք այն ասոցացնում ենք շոգ ամառների, արձակուրդների և լողափերի հետ։ Այն նպաստում է էնդորֆինների՝ ուրախության հորմոնների արտադրությանը, իսկ կենսուրախ մարդը մեծ ախորժակ ունի։ Այս գույնն ունեն շատ օգտակար բանջարեղենն ու մրգերը՝ դդում, պղպեղ, եգիպտացորեն, շաղգամ, քաղցր կարտոֆիլ, սեխ, դեղձ, մանգո, ծիրան, պապայա, նեկտարին, բանան և խնձորի որոշ տեսակներ:
Դեղինը նաև ակտիվացնում է միտքը և նյարդային համակարգը։ Նման միջավայրում բոլորը լավ են սնվում, արդյունավետ ու բարեհամբույր են շփվում։ Ի դեպ, դարձյալ McDonald’s-ն այն օգտագործում է որպես կորպորատիվ գույներից մեկը։
Նարնջագույն – տոնայնությունը բարձրացնող
Այն նաև համարվում է ամենահամեղներից մեկը։ Ցիտրուսներ, սեխեր, խուրմա, չիչխան, քաղցր պղպեղ, արքայախնձորի միջուկ… Ապացուցված է, որ այն մարդիկանց մոտ, ովքեր սնվում են նարնջագույն պատեր կամ կահույք ունեցող սենյակներում, ստամոքսահյութ արտազատող գեղձերը ավելի արդյունավետ են գործում:
Բացի այդ, նարնջագույնն ուժեղացնում է ուղեղի արյան մատակարարումը, խթանում է միտքը և աշխուժացնում: Լինելով դեղինի և կարմիրի խառնուրդ՝ այն այնքան ագրեսիվ չէ, որքան երկրորդը, ավելի մեղմ է գործում, ուժեղ գերգրգռման էֆեկտ չի տալիս և լարվածություն չի առաջացնում։
Վարդագույն – կյանքը սիրավեպ դարձնող
Prestige Furniture-ի դիզայներները համարում են, որ վարդագույնը չափազանց վտանգավոր կարող է լինել նիհար ցանկացողների համար: Վարդագույնը ավելի գրավիչ է դարձնում ուտեստները, բորբոքում դրանք համտեսելու ցանկությունը։ Հետևաբար, մի օգտագործեք այս հիանալի գույնը խոհանոցում, եթե ցանկանում եք ազատվել ավելորդ կիլոգրամներից:
Իհարկե, այս գույնի հետ կապված կարծրատիպերը նույնպես մեծ դեր են խաղում՝ վարդագույնը համարվում է ռոմանտիկայի, հուզիչ ու միամիտ սիրո խորհրդանիշ։
Կանաչը – առողջ սնունդը խրախուսող
Prestige Furniture-ի մասնագետները շատ են օգտագործույմ կանաչի ամենատարբեր երանգները խոհանոցային կահույքի համար, ինչը պատահական չէ: Վառ և գունատ կանաչը դուր է գալիս առողջ սննդակարգի և ակտիվ ապրելակերպի սիրահարներին։ Բանջարեղենը և շատ տարբեր խոտաբույսեր մշտապես ներառված են տարբեր դիետաների ցանկում, քանի որ ունեն ցածր կալորիականություն և չափազանց առողջարար են։ Նույնը վերաբերում է կանաչ թեյին, տոնիկին և ծարավը հագեցնելուն: Այս գույնը արթնացնում է «ճիշտ» ախորժակը` սննդարար մթերքներ ուտելու գաղափարը, որոնք չեն ավելացնում ճարպային պաշարները և բացասաբար չեն ազդում օրգանիզմի վրա: Գույներով զվաղվող հոգեբանները կարծում են, որ կանաչը խորհրդանշում է նաև առատությունը։ Վերջինս զարմանալի չէ, քանի որ կանաչը ամենից հաճախ հանդիպում է բնության մեջ:
Սպիտակը – սննդի գեղեցկությունը ընդգծող
Սպիտակը չեզոք գույն է. այն, կարծես, մեզ խթանելու ոչինչ չունի: Սակայն, դժվար չէ նկատել, թե ինչքան շատ է տարածված այս գույնը, հատկապես խոհանոցային դիզայնում: Պատեր-առաստաղներ-հատակներ, կահույքի ճակատներ և գոգնոցներ, ավանդական լվացարաններ, վառարաններ, սալիկներ, սառնարաններ… Ամեն ինչ պարզ կդառնա, եթե պատկերացնեք, թե ինչպես են նայվում կարմիր միսը, կանաչեղենը, գույնզգույն և էկզոտիկ մրգերը նայվում ձյունաճերմակ սեղաներեսի վրա: Հագեցած գույներն ընդգծվում են, իսկ սննդամթերքի գունատ գույներն առանձնանում են հակադրությամբ` դառնալով ավելի վառ և, համապատասխանաբար, ավելի գրավիչ: Սպիտակը հիանալի տեսք ունի ինչպես մուգ, այնպես էլ ավելի բաց երանգների հետ համադրելիս, և նույնիսկ կարմիր կամ կանաչ շեշտադրումները կարող են լավ նայվել դրա ֆոնին:
Սպիտակ գույնը հարմար է բազմաթիվ ոճերի համար: Դրանցից մի քանիսը բառացիորեն ստեղծված են դրա համար, մյուսները սպիտակի հետ զուգորդվում են որոշ նրբերանգներով։ Prestige Furniture-ի մասնագետները սիրով կօգնեն Ձեզ ընտրել ամենագեղեցիկ տարբերակը:
