Բլոգ

Ասում են, որ ցանկացած վերանորոգման ժամանակ ծախսվող նյութերից ամենաթանկը` մեր նյարդային բջիջներն են։ Prestige Furniture-ի մասնագետները կհուշեն Ձեզ, թե ինչպես խնայել նյարդերը՝ խուսափելով վերանորոգմանը բնորոշ սխալներից և հետագայում դրանք վերացնելու ծախսերից:

Սխալ համար 1. նախագծի բացակայություն

Վերանորոգումը իմպրովիզացիաներ չի սիրում: Ապագա ինտերիերի նախագիծը և դրա իրականացման հստակ պլանը զգալիորեն կնվազեցնեն բնակարանի վերանորոգման մեջ ներգրավվածների ժամանակը, ծախսերը և ջանքերը: 

Ինքնաբուխ, չպլանավորած որոշումները – վերանորոգման ամենակարևոր և ծախսատար սխալներից են: Վերանորոգումն առանց հստակ հաջորդականության և հստակ պատկերացման, թե ինչ կլինի խոհանոցում, լոգարանում, կամ այլ սենյակներում, հաճախ կարող է հանգեցնել սխալ հաշվարկների, որոնց ուղղումը թանկ կնստի Ձեր վրա:

Այսպես օրինակ, եթե սկզբնական փուլում չնախագծել էլեկտրական վարդակների սխեման, հաշվի առնելով կահույքի տեղադրումը, ապա վերանորոգոմից հետո կարող է պարզվել, որ Ձեր անջատիչը, գտնվում է դռան սխալ կողմում կամ թաքնվել է բազմոցի հետևում….

Գործնականում հաճախ են լինում դեպքեր, երբ վերանորոգման աշխատանքներն ընթանում են մեծ թափով, աշխատում են սանտեխնիկները, էլեկտրիկներն ու ներկարարները, իսկ սենյակներում արդեն տեղադրված է մանրահատակը, որը նրանք փորձում են պաշտպանել զանազան մեթոդներով… Սակայն, միշտ չէ, որ դա հաջողվում է։ Փորձառու արհեստավորներն ասում են, որ հատակի հարդարման բոլոր աշխատանքները պետք է կատարվեն վերջին հերթին` վերանորոգված տարածքը հաճախորդին հանձնելուց անմիջապես առաջ: Ի վերջո, անկախ նրանից, թե ինչպես եք ծածկում մակերեսները, վերանորոգման ընթացքում դրանց վրա անպայման կհայտնվեն քերծվածքներ և այլ վնասներ։ Նույնը վերաբերում է անհատական պատվերով պատրաստված մեծ չափսերի կահույքին. այն տեղադրվում է միայն խոհանոցի վերանորոգման ավարտից հետո։

Ճիշտ լուծում

Նախքան վերանորոգումը, դուք պետք է դիմեք նախագծային ընկերություն և կազմեք նախագիծ Ձեր բնակարանի համար: Եթե ​​դա հնարավոր չէ,  ապա կարող եք ինքնուրույն գծել սենյակների կամ խոհանոցի կահույքի ապագա դասավորության մոտավոր պատկեր: Ուղարկեք Ձեր նախագիծը Prestige Furniture-ի մասնագետներին և մեր պրոֆեսիոնալ խորհրդատուները անվճար կստեղծել Ձեր կահույքի նախագիծը` հաշվի առնելով բոլոր առանձնահատկությունները և նախասիրությունները:

Այս ամենը թույլ կտա Ձեզ խուսափել չմտածված որոշումներից, օպտիմալացնել ծախսերը և ստանալ հարմարավետ և ոճային կահույք:

Սխալ համար 2. ինքնուրույն վերանորոգում կամ չստուգված արհեստավորների վարձում

Դուք կարող եք ինքներդ կատարել վերանորոգումը կամ վարձել արհեստավորների թիմ, սակայն շատ կարևոր է կապ հաստատել միայն վստահելի մասնագետների հետ:

Երբ անբարեխիղճ աշխատողները գործի են անցնում, նրանք կարող են փորձել արագացնել գործընթացը, օրինակ՝ գրունտ արած պատը չորացնել ոչ թե 12 ժամում, ինչպես պահանջում է տեխնոլոգիան, այլ ընդամենը չորս ժամվա մեջ, և այլն: Նման դեպքերը հանգեցնում են պատերի վրա միկրոճաքերի առաջացմանը, իսկ հետագայում անգամ, սնկերի ձևավորմանը, որը շատ դժվար կլինի հեռացնել:

Երբ հաճախորդը պարզում է, որ պատերի հարթեցումն («մայակ») ավելի թանկ է, քան սովորական սվաղելը, նա կարող է գայթակղվել գումար խնայելու մտքով… ամեն դեպքում, նա պատրաստվում էր պահարան կառուցել այս խորշի մեջ, և նրա կարծիքով, ապագա կահույքը այն ծածկելու է բոլոր անհավասարությունները:

Ճիշտ լուծում

Ինքնուրույն վերանորոգում կատարելիս, վերանորոգման յուրաքանչյուր փուլում խորհրդակցեք տարբեր ոլորտների փորձառու մասնագետների հետ, իսկ, եթե հնարավոր է, ապա իմաստ ունի վարձել բարձր որակավորում ունեցող մասնագետներ` այս կամ այն աշխատանքը կատարելու համար:

Սխալ համար 3. նյութերի սխալ ընտրություն

Նույնիսկ ամենալավ վարպետը առանց որակյալ նյութերի լավ վերանորոգում չի կատարի: Սոսինձ, պաստառ, սալիկ, հատակ, ներկ – ամեն ինչ պետք է լինի որակյալ և վստահելի ապրանքանիշերից: Ցավոք սրտի, դրա գիտակցումը հաճախ հասնում է բնակարանի տերերին միայն վերանորոգման ավարտին։

Խոհանոցում մարդիկ հաճախ ուշադրություն են դարձնում միայն սալիկների ընտրությանը: Այնուամենայնիվ, խոհանոցում բացարձակապես բոլոր մակերեսները պետք է դիմացկուն լինեն խոնավության, ջերմաստիճանի փոփոխության և ուժեղ ջերմությանը, հատկապես, եթե օգտագործվում է գազօջախ կամ գրիլ:

Բացի նյութերի որակից, արժե մտածել նաև դրանց ֆունկցիոնալության մասին: Բազմաթիվ գեղեցիկ մակերեսներ հաճախ շատ անհարմար են օգտագործման մեջ: Օրինակ, լոֆթ ոճի մոխրագույն փայլատ պատերը շատ նորաձեւ են։ Բայց դրանց վրա մատնահետքերը ավելի նկատելի են, քան սալիկների կամ պաստառի պատին: Արդյո՞ք նման մակերեսը հարմարավետ կլինի, և որքան հաճախ պետք է մաքրել խոհանոցը, հատկապես, եթե ընտանիքում փոքր երեխաներ կան:

Prestige Furniture-ի դիզայներները միշտ փորձում են մանրամասն պարզել, թե ով է լինելու ապագա խոհանոցի օգտագործողները, և ինչ սովորություններ և առանձնահատկություններ ունեն նրանք:  Նման հարցերի պատասխանները օգնում են մեզ առաջարկել լավագույն ընտրությունը մեր հաճախորդներին:

Շարունակելի…

Մինչ օրս պահպանվել է այն կարծրատիպը, որ միջանցքի գեղագիտական ​​գրավչությունն այնքան էլ կարևոր չէ։ Սակայն, Prestige Furniture-ի մասնագետները գտնում են, որ սա թյուր կարծիք է։ Միջանցքի ձևավորմանը պետք է ոչ պակաս ուշադրություն դարձնել, քան մյուս սենյակների դիզայնին:

Միջանցքի հարմարավետությունը «տրամադրություն է ստեղծում» ողջ բնակարանի համար։ Հետևաբար, նույնիսկ փոքր չափի, միջանցքի տարածքը չպետք է լցված լինի առօրյա կյանքի ավելորդ ատրիբուտներով, որոնք ծանրաբեռնեն այն:

Անցյալ դարում միջանցքի պատերը ներկում էին կապույտ կամ կանաչ յուղաներկով, պատերին կարող էին կախել հեծանիվ կամ դահուկներ, իսկ լամպի փոխարեն այստեղ կարող էր ճոճվել շիկացած լամպը։ Միջանցքը մութ, մռայլ և ձանձրալի տեսք ուներ։ Մարդիկ չէին մտածում այդ տարածքի գեղագիտության և գեղեցկության մասին։

Սակայն, ժամանակակից նախասրահը ֆունկցիոնալ, ոճային և լուսավոր սենյակ է, որը ներդաշնակ պետք է լինի տան ընդհանուր ինտերիերի հետ և «պատասխանատու է» զանազան իրեր պահելու և այցելուներ ընդունելու համար։

Prestige Furniture– ում մենք ունենք բազմաթիվ պլանավորման գաղափարներ, թե ինչպիսին պետք է լինի ժամանակակից միջանցքի դիզայնը: Դրանցից յուրաքանչյուրը գրավիչ և ֆունկցիոնալ է և արտացոլում է սեփականատիրոջ անհատականությունն ու ճաշակը:

Ժամանակակից միջանցքի ինտերիերում կահույքը կատարում է բազմաթիվ գործառույթներ, ինչպիսիք են՝ վերնահագուստի, սեզոնային իրերի, ցանկացած տիպի կոշիկների և աքսեսուարների պահպանում:

Կահույքի արտադրության ժամանակակից տեխնոլոգիաները թույլ են տալիս Prestige Furniture-ի հաճախորդներին երկար տարիներ վայելել ընտրված կահույքի ֆունկցիոնալ մոդելները:

Բաց կամ վառ գույներ

Միջանցքի տարածքը տեսողականորեն ընդլայնելու շատ տարածված տարբերակ է պատերը սպիտակ կամ մեկ այլ բաց գույնով ներկելը` միջանցքին ավելի մեծ ծավալ հաղորդելու համար: Խորհուրդ ենք տալիս խուսափել չափազանց վառ գույներից կամ ագրեսիվ նախշերից:

ժամանակակից միջանցքի ինտերիերը ավելի ընդարձակ դարձնելու համար շատ կարևոր է պատշաճ լուսավորությունը: Ամենից հաճախ միջանցքում պատուհաններ չեն լինում, ուստի անհրաժեշտ է լինում տարբեր կողմերից մի քանի լույսի աղբյուրներ տեղադրել: Դա անելու համար կարող եք օգտագործել բռաներ, պատի լամպեր և LED ժապավեններ:

Սենյակների համակցում

Այժմ շատերը նախընտրում են քանդել պատերը՝ մի քանի փոքր սենյակներ միավորելով մեկ ընդարձակ տարածքի մեջ: Սակայն, կա նաև սենյակները համադրելու ավելի քիչ ծախսատար միջոց միանման դիզայնը։ Եթե ​​նախասրահը սահուն «անցնում է» հյուրասենյակ, դա տեսողականորեն ընդլայնում է տարածքը` բնակարանին ժամանակակից և ոճային տեսք հաղորդելով:

Մեծ հայելիները կստեղծեն օպտիկական պատրանքի էֆեկտ և շահավետորեն կընդլայնեն Ձեր միջանցքի տարածությունը: Կարող եք նաև օգտագործել հայելիով կամ ապակե ծածկով դարակներ, որոնք կարտացոլեն լույսը և կլուսավորեն սենյակը։

Կահույքի ճիշտ ընտրություն

Թերևս տարածություն խնայող ամենատրամաբանական լուծումներից մեկը կարող է լինել Prestige Furniture-ի ներկառուցված կահույքը: Բազմաֆունկցիոնալ պահարաններն ու դարակները, հագուստի կամ գլխարկների պահոցները և կախովի դռներով դարակները, մեր կատալոգի միայն մի փոքր մասն են կազմում։

Միջանցքում տարածությունը խնայելու լավ միջոց են հանդիսանում ներկառուցված պահարանները: Մի թերագնահատեք դրանք, քանի որ, պատշաճ տեղադրման դեպքում նման զգեստապահարանները կարող են ոչ պակաս հագուստ տեղավորել, քան սովորականները:

Կախված Ձեր ցանկություններից և կարիքներից, ինչպես նաև միջանցքի չափերից, միշտ կա պահարանների քանակի և մոդելների ընտրության հնարավորություն։ Բացի այդ, անհրաժեշտության դեպքում մոդուլային սկզբունքը հնարավորություն կտա արագ վերադասավորել կահույքը՝ այդպիսով փոխելով միջանցքի ինտերիերը։

Շատ փոքր միջանցքում արժե ընդհանրապես հրաժարվել մեծածավալ կահույքից` թողնելով միայն այն նվազագույն իրերը, որոնք անհրաժեշտ են վերարկուն, գլխարկը պահելու կամ հովանոցը կախելու համար:

Թաց և փոշոտ վերնազգեստը միշտ չէ, որ հարմար է անմիջապես պահարանում կախելու համար։ Նման դեպքերի համար լավ կլինի միջանցքում կախիչ նախատեսել: Խորհուրդ կտանք կախիչները ամրացնել երկու շարքով՝ վերինը՝ անձրևանոցների ու վերարկուների, իսկ ստորինը՝ պայուսակների, բաճկոնների ու մանկական իրերի համար:

Եկեք չմոռանանք, որ ժամանակակից միջանցքը տան «դեմքն» է։ Դրա միջավայրից կախված կարելի է դատել բնակիչների մաքրության, ֆինանսական վիճակի և նույնիսկ երևակայության մասին։ Prestige Furniture– ի հմուտ մասնագետները սիրով կօգնեն Ձեզ նախագծել և իրականացնել Ձեր ճաշակին համահունչ լավագույն տարբերակը:

🎬 Մաս 1

Prestige Furniture-ը պարզապես կահույք պատրաստող ընկերություն չէ: Մենք ստեղծում ենք յուրօրինակ և անկրկնելի ինտերիեր, որը կստիպի Ձեզ նորովի ընկալել Ձեր տարածքը:

Հենց այսպես պատահեց մեր հաճախորդի հետ, ով որոշել է դիմել Prestige Furniture՝ իր առանձնատունը կահավորելու համար։ Հաճախորդը արդեն ուներ մանրակրկիտ մշակված դիզայն-նախագիծ` խոհանոցի դասավորությունից մինչև դռների ծխնիները:

Prestige Furniture-ի թիմն ընդունեց մարտահրավերը և գործի անցավ: Մեր առջև դրված էր խնդիր ստեղծել հարմարավետ և ֆունկցիոնալ տարածք, որը ամբողջությամբ կհամապատասխաներ հաճախորդի նախագծին, և, որի յուրաքանչյուր հատված պահանջում էր անհատական մոտեցում և ուշադրություն մանրուքների նկատմամբ:

Խոհանոցի կահույքի բոլոր էլեմենտները նախագծվել, արտադրվել և տեղադրվել է Prestige Furniture-ի կողմից՝ խոհանոցը ինչպես կերակուր պատրաստելու, այնպես էլ շփվելու համար կատարյալ տարածք ստեղծելու համար: Մեր դիզայներների թիմը աշխատել է յուրաքանչյուր մանրուքի վրա՝ ստեղծելու անհատական դիզայն, որը կհամապատասխանի հաճախորդի կարիքներին և ցանկություններին: Մենք օգտագործել ենք միայն ամենաորակյալ նյութերն ու տեխնոլոգիաները՝ ստեղծելու դիմացկուն, ֆունկցիոնալ և գրավիչ խոհանոց, որը երկար կծառայի:

Անհրաժեշտ խոհանոցային տեխնիկան ներկառուցված է պահարանների մեջ` տարածքին կոկիկ և էլեգանտ տեսք հաղորդելու համար, իսկ տեղադրված խոհանոցային կղզյակը դարձել է ոչ միայն ճաշ պատրաստելու ֆունկցիոնալ տարածք, այլև էլեգանտ և ոճային ինտերիերի տարր: Քանի որ մեր առօրյան արդեն դժվար է պատկերացնել առանց արհեստական բանականությամբ օժտված օգնականների – է Prestige Furniture-ի մասնագետները այստեղ տեղադրել են անգամ ռոբոտ փոշեկուլի համար նախատեսված «բունիկ»: Ճիշտ է, մեր նեղացկոտ օգնականը կարծում է , որ հանգրվանելու համար նախատեսված նման հարմարավետ տեղը հենց իր համար է նախագծվել, բայց իրականության մեջ, դա արվել է փոշեկուլը անտեսանելի դարձնելու համար:

Ուշադրության արժանի է նաև խորդանոցի մոտքի լուծումը, որը հետաքրքրասեր աչքերից թաքցնելու համար ինտեգրվել է կահույքի մեջ, և, գրեթե, անտեսանելի դարձել:

Մենք վստահ ենք, որ մեր աշխատանքը գերազանցել է հաճախորդի սպասելիքները, և որ նա դեռ երկար տարիներ վայելելու է այս կահույքը:

Խոհանոցը նախագծելիս մենք հաշվի ենք առել ոչ միայն ֆունկցիոնալությունը, այլև վերջինիս էսթետիկ տեսքը։ Խոհանոցը դարձել է ոչ միայն ճաշ պատրաստելու վայր, այլև մի սենյակ, որտեղ կարելի է հաճույքով ժամանակ անցկացնել ընտանիքի և ընկերների հետ։ Ժամանակակից տեխնոլոգիաների և նյութերի օգնությամբ մենք ստեղծել ենք մի տարածք, որը համատեղում է գեղեցկությունն ու հարմարավետությունը։

Հյուրասենյակում մեզ վստահված էր պատրաստել հեռուստացույցի տակդիրը, սպասքի պահարանը և բուխարուն կից գտնվող պահարանը: Կարծում ենք, որ նկարները բոլոր բառերից խոսուն են…

Prestige Furniture-ի կողմից նախագծված և պատրաստված գեղեցիկ գրապահարանը կատարյալ հավելում է հյուրասենյակի այս մասի համար: Դարակաշարն ունի ժամանակակից ոճ և էլեգանտ պարզություն: Նրա բազմամակարդակ դիզայնը թույլ է տալիս տեղադրել տարբեր գրքեր և աքսեսուարներ, ինչպես նաև դեկորատիվ իրեր: Այն ավարտուն է դարձնում բուխարիի պատը՝ սենյակում համապատասխան մթնոլորտ ստեղծելու համար։ Դարակաշարերի յուրաքանչյուր մակարդակ հագեցած է LED լուսավորությամբ, ինչը լրացուցիչ հարմարավետություն է հաղորդում ինտերիերին։

Ննջասենյակների համար Prestige Furniture-ի թիմը նույնպես հնարավորինս հարմարավետ և ֆունկցիոնալ լուծումներ է գտել: Կախովի զարդասեղանը պատրաստվել է ժամանակակից տեխնոլոգիաների և բարձրորակ նյութերի օգտագործմամբ: Նորաոճ և ֆունկցիոնալ, այն ունի տարբեր աքսեսուարներ և իրեր պահելու համար նախատեսված դարակներ:

Պատին ամրացնելու լուծումը «թեթև» տեսք է հաղորդում զարդասեղանին, իսկ վերջինիս վրա արված անցքերը թույլ են տալիս, որպեսզի տաք օդը ջեռուցման մարտկոցներից անարգել բարձանա վերև:

Անկողնու կցասեղանները համատեղում են գեղեցկությունն ու ֆունկցիոնալությունը։
Դրանք շատ կայուն են և համալրված են անձնական իրեր և աքսեսուարներ պահելու համար նախատեսված դարակներով: Կցասեղանների դիզայնը համընկնում է մահճակալի հետևի MDF վահանակներով պատված պատի գունային գամայի հետ, ինչը հարմարավետ և ոճային մթնոլորտ է ստեղծում սենյակում:

Ննջարանին կից Prestige Furniture-ի թիմը ստեղծեց նաև հարմարավետ և ֆունկցիոնալ հանդերձարան: Այն նախագծվել է` հաշվի առնելով հաճախորդի անհատական կարիքներն ու նախասիրությունները, պատրաստված է որակյալ նյութերով և ժամանակակից տեխնոլոգիաներով:

Հանդերձարանի մուտքը նախագծված է ընդհանուր ինտերիերի դիզայնին համահունչ ոճով։ Հանդերձարանը, ինչպես նաև միջանցքի պահարաննեւրը հագեցված են հագուստի և կոշիկի պահեստավորման մի շարք լուծումներով, այդ թվում՝ պտտվող դարակաշարներով, կախովի ռելսերով և աքսեսուարների համար նախատեսված գզրոցներով և այլն:

Ինչպես հանդերձարանի, այդպես էլ առանձնատան մնացած պահարանների համար մենք օգտագործել ենք պահեստավորման նորարար համակարգեր, որոնք թույլ են տալիս առավելագույնի հասցնել տարածքի օգտագործումը: Յուրաքանչյուր տարր նախագծվել և արտադրվել է էրգոնոմիկայի և օգտագործման հեշտության նկատառումով, ինչը պահարանենրը դարձնում է հագուստ և կոշիկներ պահելու կատարյալ վայր:

Պատուհանի խորշով այս գրապահարանը կատարյալ վայր է նրանց համար, ովքեր սիրում են գրքեր կարդալիս վայելել աշխատասենյակի պատուհանից երևացող գեղեցիկ տեսարանը: Հարմարավետ մթնոլորտ ստեղծելու համար այս անկյունը կարող եք զարդարել փափուկ բարձերով կամ գորգով։

Այս գրապահարանը հարմարավետ թաքստոց է սիրելի գրքերի համար, որոնք կարող եք տեղադրել բաց դարակների վրա՝ ստեղծելով պայծառ ու գեղեցիկ դասավորվածություն։ Սակայն այս պահարանը ոչ միայն գեղեցիկ է, այլև ֆունկցիոնալ։ Փակ դարակների ստորին շարքը հիանալի վայր է պահելու համար այն իրերը, որոնք ցանկանում եք թաքցնել հետաքրքրասեր աչքերից:

Նկարներում երևում են պահարանի յուրահատուկ կաշվե բռնակները, որոնք մեր պատվիրատուն հատուկ բերել էր Ֆիլիպիններից: Ճիշտ է, դրանք ի սկզբանե կանացի թիկնոցի տեսք ունեին, բայց շատ արագ կերպարանափոխվեցին:)

Ի դեպ, պետք է նշել, որ մեր հաճախորդը, ենթադրաբար, Հարրի Փոթերի մեծ սիրահար է, հենց այդ պատճառով էլ նախամուտքի պահարանը նույնպես օժտված է «անտեսանելի» դռնով: Նման լուծումը մեր հաճախորդին թույլ է տալիս բոլորի աչքի առջև «անցնել պատի միջով» և հայտնվել ավտոտնակում:

Վերը շարադրվածից բացի մենք կահավորեցինք նաև լվացքատունը և առանձնատան սանհանգույցները` կրկին ուշադրություն դարձնելով մանրուքներին և մաքսիմալ ֆունկցիանալություն ստանալով:

Prestige Furniture-ի թիմի աշխատանքի շնորհիվ մեր հաճախորդի տունը վերափոխվել է և դարձել մի վայր, ուր հնարավոր է վայելել գեղեցկությունն ու հարմարավետությունը։ Յուրաքանչյուր սենյակ ստեղծվել է մանրուքների նկատմամբ խնամքով և ուշադրությամբ: Հուսանք, որ այս տունը դեռ երկար կծառայի մեր պատվիրատուին: