2023-2024 աշուն/ձմեռ գունապանակը` WGSN-ի վարկածով
WGSN-ի փորձագետները անվանել են աշուն/ձմեռ 2023-2024 գունապնակը։ Ըտրված հինգ գույներն արտացոլում են այն «տարբեր ուղիները», որոնք կընտրեն սպառողները` իրենց ապագա ապրելակերպի ուղղությունը փոփոխելու համար: Սույն գույները նկարագրվում են որպես «շարժիչ ուժ», և կօգնեն վերկենդանացնել այն հատկանիշները, որոնք մենք կարող էինք կորցրած լինել համաճարակի ժամանակ՝ բուժում, բացահայտում, փոխակերպում, պարզություն և հաճույք:
Այս գունապնակն ընտրվել է դրա մեջ ներգրաված գույների թարմացնող և էներգիա հաղորդող հատկությունների համար: Առողջությունը և ապաքինումը սպառողների մի մասի համար առաջնահերթություն կլինեն, մինչդեռ մյուսների համար` բացահայտումն ու ճանապարհորդությունը «կբորբոքեն երևակայությունը», – ասվել է WGSN-ի զեկույցում:
«Այս հիմնական գույները արտացոլում են փոփոխվող վարքագիծը և զգայուն են մարդկանց հուզական վիճակների և ապրելակերպի նկատմամբ», – ասում է Ջենի Քլարկը՝ WGSN-ի գույների բաժնի ղեկավարը: «Մենք հավատում ենք, որ վստահությունը կվերադառնա, և վառ, էներգետիկ գույները ռեզոնանս կունենան՝ կապելով ճանապարհորդությունը, հայտնագործությունն ու երևակայությունը: Ընդհակառակը, բուժիչ և հանգստացնող երանգները կգրավեն նրանց, ովքեր ձգտում են հանգստացնել և հավասարակշռել իրենց մարմինն ու միտքը»։ Բազմակողմանի գունապնակը հաշվի է առնում նաև սպառողների հետաքրքրությունը դիմացկուն և բազմակողմանի արտադրանքի նկատմամբ:
Տիեզերական փոշի
Գունավոր միտումների վրա ազդում է ամեն ինչ՝ ընդհուպ մինչև «միլիարդատերերի տիեզերական մրցավազքը»։ Astro Dust-ը, միջին երանգի կարմիր, որը «հիշեցնում է Մարսի փոշոտ և ամայի լանդշաֆտը», կապված է միջմոլորակային հետախուզման մոլուցքի հետ: «Քանի որ կոմերցիոն տիեզերական ճանապարհորդությունները հասունանում են, և տիեզերական զբոսաշրջությունն իրականություն է դառնում, տիեզերքի գույները մեզ կհուզեն և կոգեշնչեն», – ասվում է WGSN-ի հայտարարության մեջ:
Գալակտիկական կոբալտ
Ժամանակակից տիեզերական դարաշրջանը նաև կբերի կապույտի նոր գերպայծառ երանգի թրենդի: Նոր տեխնոլոգիաների ազդեցությամբ՝ Galactic Cobalt-ը ստեղծում է «իրականությունից փախուստի» զգացում, սակայն այն կարելի է օգտագործել տարբեր ձևերով։ Այս գույնը Ձեր ընտրությունը կդառնա ֆունկցիոնալ վերնազգեստի, սպառողական տեխնոլոգիաների և վիրտուալ փորձառությունների համար: Այնուամենայնիվ, գալակտիկական կոբալտի հարստությունը թույլ է տալիս այն օգտագործել որպես հագուստի, աքսեսուարների և կոսմետիկայի, այնպես էլ` ինտերիերի հիմնական երանգ:
Եղեսպակի տերևների երանգ
Կանաչ Sage Leaf-ը թույլ կտա շունչ քաշել է տեխնոլոգիայի աշխարհից: Համաճարակը մեզ վերադարձրեց այնպիսի հոբբիներ, ինչպիսիք են այգեգործությունը, թխելը և կարելը, և ակնկալվում է, որ նման զբաղմունքները կխրախուսեն ավելի դանդաղ ապրելակերպ: «Մեր ապրելակերպը կարգավորելով, մենք զգայուն կլինենք գերխթանման նկատմամբ և ուշադրություն կդարձնենք շրջակա միջավայրին և գույներին, որոնք նվազեցնում են անհանգստությունն ու սթրեսի մակարդակը: Եղեսպակի տերևը հանգիստ և խաղաղ կանաչ գույն է, որն առաջացնում է մտորում, հանգստություն և արտացոլում: Կարելի է ակնկալել, որ եղեսպակի տերևների բուժիչ հատկությունները կյանքի կկոչվեն տարբեր նյութերում՝ արհեստական մորթի, փափուկ տրիկոտաժ, թավշյա և լվացված սպիտակեղեն: Այս գույնը նույնպես կարևոր կլինի տան ձևավորման համար՝ որպես պատերի և կահույքի հիմնական գույն:
Լղճորած ծիրան
Հյութալի Apricot Crush-ի ավելացումը նշված գույների շարքին ապացուցում է, որ այս գույնը կարող է լինել և՛ ուրախ, և՛ սնուցող: Այն նկարագրված է որպես «վիտամիններով հագեցած երանգ», միջին երանգի նարնջագույնը «սեզոնի մրգային էներգիայի ներարկումն է»: Այս գույնը նաև ապացուցում է, որ լուրջ տեղաշարժ է կատարվում հանգիստ, պաստելային երանգներից դեպի ավելի վառ և կազդուրիչ երանգներ, որոնք տաք փայլ կհաղորդեն տանը: Արևից խամրած բնությունը, որն արտահայտվում է ծիրանի երանգներում, բնական կերպով կլրացնի Ձեր լոգարանի և ննջասենյակի ինտերիերը:
Թվային նարդոս
Թվային նարդոսը՝ մանուշակագույնի հանգիստ երանգը, որը նախկինում անվանվել էր WGSN-ի կողմից 2023 թվականի տարվա գույն, ամբողջացնում է երանգների գունապնակը: Նման հավասարակշռող գույնը առանցքային է, քանի որ այն դառնում է հոգեկան առողջությանը միտված արտադրանքի հիմնական երանգը: Ընկերությունները կարող են օգտագործել Digital Lavender գույնի հատկանիշները առողջապահական, ֆիթնեսի և մարզումների համար նախատեսված ապրանքների դիզայնի համար: Այս հանգստացնող մանուշակագույն գույնը շատ համահունչ կնայվի տան ննջարանում, քանի որ ասոցացվում է քնի և հանգստի հետ:
