Բլոգ

Ասում են, որ ցանկացած վերանորոգման ժամանակ ծախսվող նյութերից ամենաթանկը` մեր նյարդային բջիջներն են։ Prestige Furniture-ի մասնագետները կհուշեն Ձեզ, թե ինչպես խնայել նյարդերը՝ խուսափելով վերանորոգմանը բնորոշ սխալներից և հետագայում դրանք վերացնելու ծախսերից:

Սխալ համար 1. նախագծի բացակայություն

Վերանորոգումը իմպրովիզացիաներ չի սիրում: Ապագա ինտերիերի նախագիծը և դրա իրականացման հստակ պլանը զգալիորեն կնվազեցնեն բնակարանի վերանորոգման մեջ ներգրավվածների ժամանակը, ծախսերը և ջանքերը: 

Ինքնաբուխ, չպլանավորած որոշումները – վերանորոգման ամենակարևոր և ծախսատար սխալներից են: Վերանորոգումն առանց հստակ հաջորդականության և հստակ պատկերացման, թե ինչ կլինի խոհանոցում, լոգարանում, կամ այլ սենյակներում, հաճախ կարող է հանգեցնել սխալ հաշվարկների, որոնց ուղղումը թանկ կնստի Ձեր վրա:

Այսպես օրինակ, եթե սկզբնական փուլում չնախագծել էլեկտրական վարդակների սխեման, հաշվի առնելով կահույքի տեղադրումը, ապա վերանորոգոմից հետո կարող է պարզվել, որ Ձեր անջատիչը, գտնվում է դռան սխալ կողմում կամ թաքնվել է բազմոցի հետևում….

Գործնականում հաճախ են լինում դեպքեր, երբ վերանորոգման աշխատանքներն ընթանում են մեծ թափով, աշխատում են սանտեխնիկները, էլեկտրիկներն ու ներկարարները, իսկ սենյակներում արդեն տեղադրված է մանրահատակը, որը նրանք փորձում են պաշտպանել զանազան մեթոդներով… Սակայն, միշտ չէ, որ դա հաջողվում է։ Փորձառու արհեստավորներն ասում են, որ հատակի հարդարման բոլոր աշխատանքները պետք է կատարվեն վերջին հերթին` վերանորոգված տարածքը հաճախորդին հանձնելուց անմիջապես առաջ: Ի վերջո, անկախ նրանից, թե ինչպես եք ծածկում մակերեսները, վերանորոգման ընթացքում դրանց վրա անպայման կհայտնվեն քերծվածքներ և այլ վնասներ։ Նույնը վերաբերում է անհատական պատվերով պատրաստված մեծ չափսերի կահույքին. այն տեղադրվում է միայն խոհանոցի վերանորոգման ավարտից հետո։

Ճիշտ լուծում

Նախքան վերանորոգումը, դուք պետք է դիմեք նախագծային ընկերություն և կազմեք նախագիծ Ձեր բնակարանի համար: Եթե ​​դա հնարավոր չէ,  ապա կարող եք ինքնուրույն գծել սենյակների կամ խոհանոցի կահույքի ապագա դասավորության մոտավոր պատկեր: Ուղարկեք Ձեր նախագիծը Prestige Furniture-ի մասնագետներին և մեր պրոֆեսիոնալ խորհրդատուները անվճար կստեղծել Ձեր կահույքի նախագիծը` հաշվի առնելով բոլոր առանձնահատկությունները և նախասիրությունները:

Այս ամենը թույլ կտա Ձեզ խուսափել չմտածված որոշումներից, օպտիմալացնել ծախսերը և ստանալ հարմարավետ և ոճային կահույք:

Սխալ համար 2. ինքնուրույն վերանորոգում կամ չստուգված արհեստավորների վարձում

Դուք կարող եք ինքներդ կատարել վերանորոգումը կամ վարձել արհեստավորների թիմ, սակայն շատ կարևոր է կապ հաստատել միայն վստահելի մասնագետների հետ:

Երբ անբարեխիղճ աշխատողները գործի են անցնում, նրանք կարող են փորձել արագացնել գործընթացը, օրինակ՝ գրունտ արած պատը չորացնել ոչ թե 12 ժամում, ինչպես պահանջում է տեխնոլոգիան, այլ ընդամենը չորս ժամվա մեջ, և այլն: Նման դեպքերը հանգեցնում են պատերի վրա միկրոճաքերի առաջացմանը, իսկ հետագայում անգամ, սնկերի ձևավորմանը, որը շատ դժվար կլինի հեռացնել:

Երբ հաճախորդը պարզում է, որ պատերի հարթեցումն («մայակ») ավելի թանկ է, քան սովորական սվաղելը, նա կարող է գայթակղվել գումար խնայելու մտքով… ամեն դեպքում, նա պատրաստվում էր պահարան կառուցել այս խորշի մեջ, և նրա կարծիքով, ապագա կահույքը այն ծածկելու է բոլոր անհավասարությունները:

Ճիշտ լուծում

Ինքնուրույն վերանորոգում կատարելիս, վերանորոգման յուրաքանչյուր փուլում խորհրդակցեք տարբեր ոլորտների փորձառու մասնագետների հետ, իսկ, եթե հնարավոր է, ապա իմաստ ունի վարձել բարձր որակավորում ունեցող մասնագետներ` այս կամ այն աշխատանքը կատարելու համար:

Սխալ համար 3. նյութերի սխալ ընտրություն

Նույնիսկ ամենալավ վարպետը առանց որակյալ նյութերի լավ վերանորոգում չի կատարի: Սոսինձ, պաստառ, սալիկ, հատակ, ներկ – ամեն ինչ պետք է լինի որակյալ և վստահելի ապրանքանիշերից: Ցավոք սրտի, դրա գիտակցումը հաճախ հասնում է բնակարանի տերերին միայն վերանորոգման ավարտին։

Խոհանոցում մարդիկ հաճախ ուշադրություն են դարձնում միայն սալիկների ընտրությանը: Այնուամենայնիվ, խոհանոցում բացարձակապես բոլոր մակերեսները պետք է դիմացկուն լինեն խոնավության, ջերմաստիճանի փոփոխության և ուժեղ ջերմությանը, հատկապես, եթե օգտագործվում է գազօջախ կամ գրիլ:

Բացի նյութերի որակից, արժե մտածել նաև դրանց ֆունկցիոնալության մասին: Բազմաթիվ գեղեցիկ մակերեսներ հաճախ շատ անհարմար են օգտագործման մեջ: Օրինակ, լոֆթ ոճի մոխրագույն փայլատ պատերը շատ նորաձեւ են։ Բայց դրանց վրա մատնահետքերը ավելի նկատելի են, քան սալիկների կամ պաստառի պատին: Արդյո՞ք նման մակերեսը հարմարավետ կլինի, և որքան հաճախ պետք է մաքրել խոհանոցը, հատկապես, եթե ընտանիքում փոքր երեխաներ կան:

Prestige Furniture-ի դիզայներները միշտ փորձում են մանրամասն պարզել, թե ով է լինելու ապագա խոհանոցի օգտագործողները, և ինչ սովորություններ և առանձնահատկություններ ունեն նրանք:  Նման հարցերի պատասխանները օգնում են մեզ առաջարկել լավագույն ընտրությունը մեր հաճախորդներին:

Շարունակելի…

Prestige Furniture-ի արտադրամասի խորքերում ծնվեց մի շքեղ պատմություն. Մեր հաճախորդը՝ տիկին Գոհարը, ցանկություն հայտնեց ունենալ խոհանոցի սպիտակ կահույք, որը կմարմնավորեր նրբությունն ու ֆունկցիոնալությունը` յուրաքանչյուր մանրուքի մեջ։ Մեր թիմը ընդունեց այս մարտահրավերը և որոշեց իրականություն դարձնել նրա երազանքը:
Նուրբ ճաշակ ունեցող տիկին Գոհարը հստակ ուրվագծեց իր սպասելիքները. նա փնտրում էր ոճային կահույք, որը ներդաշնակորեն կհամապատասխաներ իր տան մնացած սենյակների հետ: Այնուամենայնիվ, գեղեցկությունը չպետք է զոհաբերեր հարմարավետությունն ու ֆունկցիոնալությունը:

Prestige Furniture-ի դիզայներների և կահույքագործների թիմը ձեռնամուխ եղավ տիկին Գոհարի համար յուրահատուկ նախագիծ ստեղծելուն: Մենք գիտեինք, որ պետք է ամեն ջանք գործադրենք նրա անհատականությունն արտացոլելու և նրա բոլոր ցանկությունները կատարելու համար։
Նախագծի առանցքային կետերից մեկը պահեստավորման բարդ մեխանիզմների ներդրումն էր, որոնք ապահովում են խոհանոցում տարածքի օպտիմալ օգտագործումը: Որոշեցինք խոհանոցային տարբեր պարագաների համար օգտագործել գզրոցներ, հատուկ բաժանիչներ և հատվածներ։ Այսպիսով, տիկին Գոհարը կկարողանար հեշտությամբ գտնել այն ամենը, ինչ իրեն անհրաժեշտ է` պահպանելով կարգուկանոնը խոհանացում։

Ինչպես միշտ, Prestige Furniture-ի դիզայներները օգտագործեցին միայն լավագույն նյութերը, որոնք երաշխավորում են ամենաբարձր որակը և ամրությունը: Խոհանոցի կահույքի փայլատ սպիտակ ծածկույթները նրբագեղության շունչ հաղորդեցին սենյակին` մաքուր և թարմ տեսք հաղորդելով դրան:

Խոհանոցային կահույքից զատ, Prestige Furniture-ի դիզայներները ձևավորեցին նաև տիկին Գոհարի միջանցքը` բնակարանում ներդաշնակ մթնոլորտ ստեղծելու համար: Մենք գիտակցում էինք, որ նույն ոճը պետք է ներկա լինի տան յուրաքանչյուր անկյունում` ընդգծելով ինտերիերի միասնությունն ու նրբագեղությունը։ Մեր դիզայներական թիմը խնամքով ընտրեց միջանցքի բոլոր տարրերը՝ պահպանելով սպիտակ տոնային միասնական պլանը: Միջանցքում մենք օգտագործեցինք նույն բարձրորակ նյութերը և սպիտակ փայլատ ծածկույթը, ինչպես խոհանոցում:
Լաքոնիկ և ոճային դետալները մաքրության և ընդարձակության զգացում են ստեղծում՝ լրացնելով ամբողջ բնակարանի տպավորությունը։

Երբ մեր թիմն ավարտեց աշխատանքը, մենք անհամբեր սպասում էինք, թե երբ տիկին Գոհարը կտեսնի իր նոր խոհանոցային կահույքը: Որոշ տեխնիկական պատճառներով կահույքի տեղադրումը ձգձգվում էր.. Վերջապես եկավ տեղադրման օրը… Տիկին Գոհարը մտավ խոհանոց, և նրա աչքերի փայլեցից մենք հասկացանք, որ յուրաքանչյուր դետալ լիովին համապատասխանում է նրա ճաշակին և ոճին:

Հաճելի էր տեսնել, թե ինչպես է տիկին Գոհարը ժպտում և խոսում այն ​​մասին, թե որքան հարմար է կլինի այժմ ուտեստներ պատրաստելն ու պահպանելը։ Նրա երազանքը խոհանոցի մասին, որը հիանալի կերպով համատեղում է գեղեցկությունն ու ֆունկցիոնալությունը, իրականացավ Prestige Furniture-ի թիմի ջանքերի շնորհիվ:

Սա պարզապես նախագիծ չէր, այլ իրական պատմություն այն մասին, թե ինչպես կարող են դետալների հանդեպ սերը և շքեղություն ստեղծելու ցանկությունը փոխել հաճախորդի կյանքը: Շնորհակալություն ենք հայտնում տիկին Գոհարին վստահության և ոգեշնչման, երազանքն իրականություն դարձնելու հնարավորության համար։
Prestige Furniture – որտեղ յուրաքանչյուր կահույք ստեղծվում է սիրով և ջանասիրությամբ մեր թանկագին հաճախորդների համար:

🎬 Մաս 1

Prestige Furniture-ը պարզապես կահույք պատրաստող ընկերություն չէ: Մենք ստեղծում ենք յուրօրինակ և անկրկնելի ինտերիեր, որը կստիպի Ձեզ նորովի ընկալել Ձեր տարածքը:

Հենց այսպես պատահեց մեր հաճախորդի հետ, ով որոշել է դիմել Prestige Furniture՝ իր առանձնատունը կահավորելու համար։ Հաճախորդը արդեն ուներ մանրակրկիտ մշակված դիզայն-նախագիծ` խոհանոցի դասավորությունից մինչև դռների ծխնիները:

Prestige Furniture-ի թիմն ընդունեց մարտահրավերը և գործի անցավ: Մեր առջև դրված էր խնդիր ստեղծել հարմարավետ և ֆունկցիոնալ տարածք, որը ամբողջությամբ կհամապատասխաներ հաճախորդի նախագծին, և, որի յուրաքանչյուր հատված պահանջում էր անհատական մոտեցում և ուշադրություն մանրուքների նկատմամբ:

Խոհանոցի կահույքի բոլոր էլեմենտները նախագծվել, արտադրվել և տեղադրվել է Prestige Furniture-ի կողմից՝ խոհանոցը ինչպես կերակուր պատրաստելու, այնպես էլ շփվելու համար կատարյալ տարածք ստեղծելու համար: Մեր դիզայներների թիմը աշխատել է յուրաքանչյուր մանրուքի վրա՝ ստեղծելու անհատական դիզայն, որը կհամապատասխանի հաճախորդի կարիքներին և ցանկություններին: Մենք օգտագործել ենք միայն ամենաորակյալ նյութերն ու տեխնոլոգիաները՝ ստեղծելու դիմացկուն, ֆունկցիոնալ և գրավիչ խոհանոց, որը երկար կծառայի:

Անհրաժեշտ խոհանոցային տեխնիկան ներկառուցված է պահարանների մեջ` տարածքին կոկիկ և էլեգանտ տեսք հաղորդելու համար, իսկ տեղադրված խոհանոցային կղզյակը դարձել է ոչ միայն ճաշ պատրաստելու ֆունկցիոնալ տարածք, այլև էլեգանտ և ոճային ինտերիերի տարր: Քանի որ մեր առօրյան արդեն դժվար է պատկերացնել առանց արհեստական բանականությամբ օժտված օգնականների – է Prestige Furniture-ի մասնագետները այստեղ տեղադրել են անգամ ռոբոտ փոշեկուլի համար նախատեսված «բունիկ»: Ճիշտ է, մեր նեղացկոտ օգնականը կարծում է , որ հանգրվանելու համար նախատեսված նման հարմարավետ տեղը հենց իր համար է նախագծվել, բայց իրականության մեջ, դա արվել է փոշեկուլը անտեսանելի դարձնելու համար:

Ուշադրության արժանի է նաև խորդանոցի մոտքի լուծումը, որը հետաքրքրասեր աչքերից թաքցնելու համար ինտեգրվել է կահույքի մեջ, և, գրեթե, անտեսանելի դարձել:

Մենք վստահ ենք, որ մեր աշխատանքը գերազանցել է հաճախորդի սպասելիքները, և որ նա դեռ երկար տարիներ վայելելու է այս կահույքը:

Խոհանոցը նախագծելիս մենք հաշվի ենք առել ոչ միայն ֆունկցիոնալությունը, այլև վերջինիս էսթետիկ տեսքը։ Խոհանոցը դարձել է ոչ միայն ճաշ պատրաստելու վայր, այլև մի սենյակ, որտեղ կարելի է հաճույքով ժամանակ անցկացնել ընտանիքի և ընկերների հետ։ Ժամանակակից տեխնոլոգիաների և նյութերի օգնությամբ մենք ստեղծել ենք մի տարածք, որը համատեղում է գեղեցկությունն ու հարմարավետությունը։

Հյուրասենյակում մեզ վստահված էր պատրաստել հեռուստացույցի տակդիրը, սպասքի պահարանը և բուխարուն կից գտնվող պահարանը: Կարծում ենք, որ նկարները բոլոր բառերից խոսուն են…

Prestige Furniture-ի կողմից նախագծված և պատրաստված գեղեցիկ գրապահարանը կատարյալ հավելում է հյուրասենյակի այս մասի համար: Դարակաշարն ունի ժամանակակից ոճ և էլեգանտ պարզություն: Նրա բազմամակարդակ դիզայնը թույլ է տալիս տեղադրել տարբեր գրքեր և աքսեսուարներ, ինչպես նաև դեկորատիվ իրեր: Այն ավարտուն է դարձնում բուխարիի պատը՝ սենյակում համապատասխան մթնոլորտ ստեղծելու համար։ Դարակաշարերի յուրաքանչյուր մակարդակ հագեցած է LED լուսավորությամբ, ինչը լրացուցիչ հարմարավետություն է հաղորդում ինտերիերին։

Ննջասենյակների համար Prestige Furniture-ի թիմը նույնպես հնարավորինս հարմարավետ և ֆունկցիոնալ լուծումներ է գտել: Կախովի զարդասեղանը պատրաստվել է ժամանակակից տեխնոլոգիաների և բարձրորակ նյութերի օգտագործմամբ: Նորաոճ և ֆունկցիոնալ, այն ունի տարբեր աքսեսուարներ և իրեր պահելու համար նախատեսված դարակներ:

Պատին ամրացնելու լուծումը «թեթև» տեսք է հաղորդում զարդասեղանին, իսկ վերջինիս վրա արված անցքերը թույլ են տալիս, որպեսզի տաք օդը ջեռուցման մարտկոցներից անարգել բարձանա վերև:

Անկողնու կցասեղանները համատեղում են գեղեցկությունն ու ֆունկցիոնալությունը։
Դրանք շատ կայուն են և համալրված են անձնական իրեր և աքսեսուարներ պահելու համար նախատեսված դարակներով: Կցասեղանների դիզայնը համընկնում է մահճակալի հետևի MDF վահանակներով պատված պատի գունային գամայի հետ, ինչը հարմարավետ և ոճային մթնոլորտ է ստեղծում սենյակում:

Ննջարանին կից Prestige Furniture-ի թիմը ստեղծեց նաև հարմարավետ և ֆունկցիոնալ հանդերձարան: Այն նախագծվել է` հաշվի առնելով հաճախորդի անհատական կարիքներն ու նախասիրությունները, պատրաստված է որակյալ նյութերով և ժամանակակից տեխնոլոգիաներով:

Հանդերձարանի մուտքը նախագծված է ընդհանուր ինտերիերի դիզայնին համահունչ ոճով։ Հանդերձարանը, ինչպես նաև միջանցքի պահարաննեւրը հագեցված են հագուստի և կոշիկի պահեստավորման մի շարք լուծումներով, այդ թվում՝ պտտվող դարակաշարներով, կախովի ռելսերով և աքսեսուարների համար նախատեսված գզրոցներով և այլն:

Ինչպես հանդերձարանի, այդպես էլ առանձնատան մնացած պահարանների համար մենք օգտագործել ենք պահեստավորման նորարար համակարգեր, որոնք թույլ են տալիս առավելագույնի հասցնել տարածքի օգտագործումը: Յուրաքանչյուր տարր նախագծվել և արտադրվել է էրգոնոմիկայի և օգտագործման հեշտության նկատառումով, ինչը պահարանենրը դարձնում է հագուստ և կոշիկներ պահելու կատարյալ վայր:

Պատուհանի խորշով այս գրապահարանը կատարյալ վայր է նրանց համար, ովքեր սիրում են գրքեր կարդալիս վայելել աշխատասենյակի պատուհանից երևացող գեղեցիկ տեսարանը: Հարմարավետ մթնոլորտ ստեղծելու համար այս անկյունը կարող եք զարդարել փափուկ բարձերով կամ գորգով։

Այս գրապահարանը հարմարավետ թաքստոց է սիրելի գրքերի համար, որոնք կարող եք տեղադրել բաց դարակների վրա՝ ստեղծելով պայծառ ու գեղեցիկ դասավորվածություն։ Սակայն այս պահարանը ոչ միայն գեղեցիկ է, այլև ֆունկցիոնալ։ Փակ դարակների ստորին շարքը հիանալի վայր է պահելու համար այն իրերը, որոնք ցանկանում եք թաքցնել հետաքրքրասեր աչքերից:

Նկարներում երևում են պահարանի յուրահատուկ կաշվե բռնակները, որոնք մեր պատվիրատուն հատուկ բերել էր Ֆիլիպիններից: Ճիշտ է, դրանք ի սկզբանե կանացի թիկնոցի տեսք ունեին, բայց շատ արագ կերպարանափոխվեցին:)

Ի դեպ, պետք է նշել, որ մեր հաճախորդը, ենթադրաբար, Հարրի Փոթերի մեծ սիրահար է, հենց այդ պատճառով էլ նախամուտքի պահարանը նույնպես օժտված է «անտեսանելի» դռնով: Նման լուծումը մեր հաճախորդին թույլ է տալիս բոլորի աչքի առջև «անցնել պատի միջով» և հայտնվել ավտոտնակում:

Վերը շարադրվածից բացի մենք կահավորեցինք նաև լվացքատունը և առանձնատան սանհանգույցները` կրկին ուշադրություն դարձնելով մանրուքներին և մաքսիմալ ֆունկցիանալություն ստանալով:

Prestige Furniture-ի թիմի աշխատանքի շնորհիվ մեր հաճախորդի տունը վերափոխվել է և դարձել մի վայր, ուր հնարավոր է վայելել գեղեցկությունն ու հարմարավետությունը։ Յուրաքանչյուր սենյակ ստեղծվել է մանրուքների նկատմամբ խնամքով և ուշադրությամբ: Հուսանք, որ այս տունը դեռ երկար կծառայի մեր պատվիրատուին:

Այսօր ոչ բոլորը կարող են պարծենալ բնակարանի մեծ չափերով, իսկ մեծ խոհանոցները գնալով էլ ավելի քիչ են հանդիպում: Այնուամենայնիվ, նույնիսկ փոքր խոհանոցը կարելի է դարձնել հարմարավետ, ոճային և ֆունկցիոնալ: Ստորև Prestige Furniture-ի մասնագետները կվերլուծեն, թե ինչպես ճիշտ նախագծել փոքր խոհանոց և կներկայացնեն տարածքը տեսողականորեն ընդլայնելու մի քանի տարբերակ:

Փոքր խոհանոցի պլանավորման և կահույքի կազմակերպման հիմնական կանոնը

Անկախ խոհանոցի չափերից, ամենակարևորը խնդիրը խոհանցում գտնվելու հարմարավետությունն ապահովելն է։ Դրան, առաջին հերթին, նպաստում է կենցաղային տեխնիկայի գտնվելու վայրը՝ սառնարան, վառարան և լվացարան: Նրանք կազմում են այսպես կոչված աշխատանքային եռանկյունին։ Եռանկյունու գագաթների միջև հեռավորությունը, որպես կանոն, չպետք է գերազանցի 1,2 մետրը:

Կահույքի դասավորությունը կախված է, համապատասխանաբար, սենյակի ընդհանուր մակերեսից, և աշխատանքային գոտիների միջև հեռավորությունը կարող է տարբեր լինել: Փոքր խոհանոցներում կահույքն ամենից հաճախ ունենում է հետևյալ դասավորությունը.

Ուղիղ, կամ գծային խոհանոց։ Այս դեպքում խոհանոցային կահույքը շարվում է մեկ գծով: Այստեղ աշխատանքային եռանկյունի չկա, քանի որ երեք հիմնական գոտիները գտնվում են միմյանց կից:

Անկյուն, կամ L-ձև խոհանոց։ Ամենից հաճախ լվացարանը գտնվում է անկյունում, իսկ վառարանը և սառնարանը՝ դրա աջ և ձախ կողմերում։

Զուգահեռ. Փոքր սենյակներում այս դասավորությունը հազվադեպ է օգտագործվում, բայց ցանկության դեպքում տարածքը կարելի է կազմակերպել նման ձևով: Այս դեպքում խոհանոցային կահույքը դրվում է միմյանց հակառակ երկու պատերի երկայնքով: Աշխատանքային եռանկյունին այս դեպքում կունենա հետևյալ տեսքը՝ լվացարանը մի կողմում է, իսկ վառարանը և սառնարանը՝ մյուս կողմից։

U-աձև, կամ П-աձև խոհանոց: Նման նախագծում խոհանոցի հավաքածուն նույնպես տեղակայված է երկու զուգահեռ պատերի երկայնքով, և միևնույն ժամանակ ներգրավված է նաև երրորդ կողմը՝ հենց մուտքի դիմաց: Քանի որ այն ավելի կարճ է, քան մյուս երկուսը, ամենից հաճախ դրանից կձևավորվի աշխատանքային եռանկյունը. լվացարանը գտնվում է ավելի կարճ կողմում, կահույքի մյուս երկու տարրերը գտնվում են դրա կողմերում:

Կղզյակով խոհանոց. Սա փոքր խոհանոցի դասավորության ամենահազվագյուտ տարբերակն է, բայց այն ունի իր առավելությունները: Կղզին պահարան է, որը կանգնած է հիմնական կահույքից առանձին: Այստեղ կարելի է տեղադրել վառարան կամ լվացարան, կախված` անհրաժեշտ կոմունիկացիաների հասանելիությունից։