Tag Archives: bedroom
Ննջասենյակի ձևավորում. նորաձև ինտերիերի ժամանակակից միտումները
Ննջասենյակի ձևավորում. նորաձև ինտերիերի ժամանակակից միտումները
Ննջասենյակը տան այն առանձնահատուկ տեղն է , որը պետք է նպաստի խաղաղությանը, հանգստությանը և հանգստին: Ննջասենյակի գույնը ոչ միայն ամեն ինչ պատմում է իր տիրոջ մասին, այլև ազդում է նրա ներաշխարհի, տրամադրության և մտքերի արտացոլման վրա: Գաղտնիք չէ, որ յուրաքանչյուր գույն ունի իր անհատականությունը, նշանակությունը և ազդեցությունը մարդկանց վրա: Անկախ նրանից, թե ինչպիսի միտումներ են ներխուժում ինտերիերի նորաձևության շուկա, սպիտակ գույնը, որը մարմնավորում է թեթևությունը և մաքրությունը մնում է Prestige Furniture-ի անվիճելի ֆավորիտը: Սա դիզայներների ներկապնակի հիմնական գույնն է, որը լավ աշխատում է, ինչպես դասական, այնպես էլ մինիմալիստական ոճի սենյակներում:
Մյուս բոլոր տարբերակների շարքում ձյունաճերմակ ննջասենյակն առանձնանում է օվկիանոսային նավի պես՝ վեհ ու շքեղ։ Սպիտակ կամ բաց երանգներով զարդարված ննջասենյակը տպավորում է իր ընդարձակությամբ։ Թվում է, թե այնտեղ նույնիսկ օդն է ավելի մաքուր ու թափանցիկ։ Նման պարզ ինտերիերը միշտ կհամարվի ժամանակակից՝ համահունչ նորաձեւության միտումներին։
Բաց գույնը ննջասենյակում
Մյուս բոլոր տարբերակների շարքում ձյունաճերմակ ննջասենյակն առանձնանում է օվկիանոսային նավի պես՝ այն վեհ ու շքեղ։ Սպիտակ կամ բաց երանգներով ձևավորված ննջասենյակը տպավորում է իր ընդարձակությամբ։ Թվում է, թե այնտեղ նույնիսկ օդն է ավելի մաքուր ու թափանցիկ։ Նման պարզ ինտերիերը միշտ կհամարվի ժամանակակից՝ համահունչ նորաձեւության միտումներին։
Մեզանից շատերը, լսելով հոգեբանների կարծիքը, բացասաբար ենք վերաբերվում սպիտակ ննջասենյակներին՝ անարժանաբար համարելով նման ինտերիերը «հիվանդանոցային», ստերիլ, անիրագործելի, ճնշող և նույնիսկ դեպրեսիվ: Չնայած, ի՞նչը կարող է լինել ավելի ուրախ և դրական, քան սպիտակը: Ուստի Prestige Furniture-ի դիզայներները փորձում են ոչնչացնել այս կարծրատիպը։
Prestige Furniture-ի դիզայներներից շատերն ընտրում են սպիտակը՝ իր բոլոր երանգներով` ոճային, էլեգանտ և բարդ ինտերիեր ստեղծելու համար:
Մենք խորհուրդ ենք տալիս օգտագործել այս գույնը լուսավոր ննջասենյակի ձևավորման մեջ, քանի որ, սպիտակը բերում է հարմարավետության և հանգստության զգացում, որն այնքան ցանկալի է ննջասենյակում։ Եթե ննջասենյակը նախատեսված է կնոջ համար, ապա բաց գույներով ննջասենյակի դիզայնը նույնպես խորհրդանշական նշանակություն է ստանում՝ արտացոլելով տանտիրուհու աշխարհընկալումը՝ ինտերիերը դարձնելով էլ ավելի հարուստ և ընդարձակ։
Լուսավոր ննջասենյակի ինտերիերում ավելորդ չեն լինի վառ շեշտադրումները, որոնք կթուլացնեն սպիտակությունը և կդիվերսիֆիկացնեն առօրյա կյանքը: Ինչպես գիտեք, սպիտակը կատարյալ ֆոն է ննջասենյակում ձեր սիրելի կտավների համար: Այս ֆոնի վրա արվեստի գործերը (վերարտադրությունները և նկարները) կփայլեն նոր վառ գույներով։ Ավելին, սպիտակ գույնը տեսողականորեն ավելի ընդարձակ է դարձնում սենյակը, ուստի այն իդեալական է փոքր ննջասենյակի համար։ Հարմարավետ, դինամիկ և հետաքրքիր ինտերիեր ստեղծելու համար Prestige Furniture-ի դիզայներները օգտագործում են մի շարք հյուսվածքներ` մետաղ, ապակի, փայտ, մորթի, ճենապակյա, կիսատոններ և սպիտակի զանազան երանգներ` վանիլ, կաթնագույն, մարգարիտ:
Prestige Furniture-ի դիզայներները խորհուրդ չեն տալիս սպիտակ ննջասենյակում օգտագործել հարթ և փայլուն մակերեսներ ունեցող դեկորատիվ հյուսվածքներ (էմալ, լաք), հակառակ դեպքում Ձեր սենյակը բժշկական աշխատասենյակի կնմանվի: Հետևաբար, ավելի լավ է թողնել առաստաղը և հատակը փայլատ: Խնամքի առումով բաց գույնի մակերեսները ոչնչով չեն տարբերվում մնացածից։ Սպիտակ կահույքը մաքրելիս բծեր չի թողնում, իսկ փոշին, որը բաց պատուհանից ներթափանցում է ննջարան, գրեթե անտեսանելի է` ի տարբերություն դրան մուգ փայլուն մակերեսների, որոնց վրա նկատելի են բոլոր բծերը:
Վստահեք Ձեր տան կահույքը 𝐏𝐫𝐞𝐬𝐭𝐢𝐠𝐞 𝐅𝐮𝐫𝐧𝐢𝐭𝐮𝐫𝐞-ի հմուտ մասնագետներին
Ընդունվում են պատվերներ ցանկացած բարդության և դիզայնի: Մանրամասների համար գրե՛ք կամ զանգահարե՛ք` 𝟎𝟑𝟑 𝟗𝟎𝟗𝟗𝟎𝟑
2023 թվականի ննջասենյակի ինտերիերի դիզայնի միտումները
Ժամանակակից ննջասենյակում կարևոր են բոլոր տարրերը, քանի որ դրանք միշտ փոխկապակցված են: ժամանակի հետ ննջասենյակի ինտերիերի թրենդերը փոխվում են, բայց դրանք միշտ էլ կրում են հանգստի և խաղաղության, ինչպես նաև առօրյա հոգսերը ննջասենյակի դռներից դուրս թողնելու միտումը:
2023 թվականին ննջասենյակի դիզայնի հիմնական կանոնը ներդաշնակ տարածության կազմակերպումն է՝ զուգորդված ինտերիերի դիզայնի ոլորտում նորաձևության վերջին գաղափարներով։
Ինտերիերի դիզայնի ոլորտում ժամանակակից թրենդերից առաջինը` ոճերի խառնուրդն է, էկլեկտիզմը։ Ոճերի հստակ սահմաններն ու տարանջատումն այսօր ընդունված չէ, սակայն 2023-ի ննջասենյակը հենց այն վայրն է, որտեղ գերիշխում է նուրբ համադրությունների արվեստը։
Էկլեկտիկ դիզայնի միտումը շատ ավելի դժվար է իրականացնել, քան հստակորեն սահմանված կանոններին հետևելը: Prestige Furniture-ի մասնագետների կարծիքով, ննջասենյակը նախագծելիս անհրաժեշտ է հստակ հետևել ընտրված ոճին` հմտորեն ստանալով գույների և զանազան հյուսվածքների համադրությունները:
Դեռևս մի քանի տարի առաջ, դիզայներները միաձայն ասում էին, որ ննջասենյակում ձևերի պարզությունը շատ կարևոր է: Սակայն, այս պարզուտյունը չպետք է ազդի սենյակի ներքին բովանդակության վրա: Ննջասենյակը իր տերերի ճաշակի արտացոլումն է: Ցանկացած ռացիոնալ ֆունկցիոնալիզմ չի կարելի հասցնել անհեթեթ վիճակի։
Այս ասպարեզում, Prestige Furniture-ի դիզայներների գրեթե բոլոր ժամանակակից լուծումները շատ կրեատիվ են, քանի որ դրանք էկլեկտիկ են: Մեր պատկերացրած ննջասենյակի դիզայնը ընդարձակ է, թեթև և ազատ, չի ծանրաբեռնվում չափից շատ աքսեսուարներով և դեկորով:
Այսօր նորաձև է համարվում բնական գույների օգտագործումը։ Հանգստի սենյակում փայլուն-պայծառ ոչինչ չպետք է լինի: Եթե Դուք իսկապես ցանկանում եք գունավոր բծեր ունենալ, ապա դրանք պետք է լինեն զուսպ, ծառայեն նպատակին և չկլանեն ամբողջ ուշադրությունը:
Դիմեք Prestige Furniture-ի հմուտ մասնագետներին և ստացեք Ձեր երազանքների ննջասենյակը:
Զգեստապահարանի նախագծման տարբերակները
Այսօր Prestige Furniture-ի մասնագետները Ձեզ կներկայացնեն զգեստապահարանի նախագծման և լցոնման տարբերակներ:
Գոյություն ունի զգեստապահարանի պլանավորման 3 հիմնական տարբերակ.
1. П-աձեւ
2. Գծային
3. Անկյունային կամ Г-աձեւ
Ըստ նախագծման տեսակի առանձնանում են հետևյալ տարբերակները ` պահարանային, պատային և դարակներով։
Ըստ պահեստավորման տեսակի զգեստապահարանները լինում են բաց կամ փակ:
Միշտ չէ, որ հանդերձարանը պետք է լինի առանձին սենյակ, այն կարող է կատարել նաև զոնավորման գործառույթ։ Օրինակ, միջնապատ ծառայել ննջասենյակի և լոգարանի միջև:
Prestige Furniture-ը առաջարկում է հանդերձարան-զգեստապահարանի երեսային մասի բազմազան լուծումներ՝ MDF, լամինատ, փայտ, մետաղ, ապակի: Ամեն ինչ կախված է ընդհանուր նախագծից և Ձեր ցանկություններից:
Ստորև ներկայացնում ենք զգեստապահարանի 3 տարբերակ:
Մեկնաբանություններում գրեք, թե որ տարբերակը ավելի հավանեցիք )
1 Տարբերակ – հանդերձարանը կատարում է զոնավորման ֆունկցիա, կոնստրուկցիայի տեսակը՝ պահարան + դարակներ, ունի անկյունային դասավորություն, ինչպես նաև բաց և փակ պահեստավորում։
2 Տարբերակ – առանձին սենյակ, անկյունային հատակագիծ, պատի կոնստրուկցիաներ, բաց պահեստավորում։
3 Տարբերակ – առանձին սենյակ, П-աձև նախագիծ, պահարանային կոնստրուկցիա` բաց պահեստավորմամբ։
Prestige Furniture-ի դիզայներների խորհուրդները` հարմարավետ ննջասենյակ ունենալու համար
Ննջասենյակի ինտերիեր
Առաջին հերթին, անհրաժեշտ է կողմնորոշվել, թե որքան ժամանակ եք պլանավորում անցկացնել Ձեր ննջասենյակում: Այո՛, հենց նախագծման փուլում, Դուք կարող եք գրագետ կերպով օգտագործել տարածությունը և գտնել իդեալական դասավորություն կահույքի յուրաքանչյուր կտորի համար:
Անհրաժեշտ է հաշվի առնել բոլոր իրավիճակները: Պատկերացրե՛ք, առավոտյան Դուք բացում եք Ձեր աչքերը և մտածում, որ կարելի մի նկար փակցնել դիմացի պատի վրա: Այնուհետև Դուք վեր եք կենում և շարժվում դեպի լոգասենյակ՝ մտորելով, թե ի՞նչ տարածություն պետք է լինի պատի և լոգասենյակի միջև, որպեսզի Դուք անարգել կարողանաք անցնել:
Երեկոյան, վերադառնալով տուն, Դուք ցանկանում եք հանգիստ ժամանակ անցկացնել լռության մեջ՝ ընթերցելով Ձեր սիրելի գիրքը: Այս պարագայում նախընտրելի է տեղադրել հարմարավետ բազկաթոռ սենյակի անկյունում, իսկ կողքին՝ փոքրիկ սեղան գրքի և սրճի բաժակի համար:
Ի ՞ նչ պետք է հաշվի առնել ննջասեյակի նախագծման ժամանակ
Այս գործում գոյություն ունեն որոշ կանոններ: Օրինակ՝ խորհուրդ չենք տալիս հայելի տեղադրել դռան դիմաց: Մի պահ պատկերացրեք, որ հանգստյան օրերին՝ ուշ գիշերը, վերադառնում եք տուն, բացում եք ննջարանի դուռը, իսկ այնտեղ՝ մթության մեջ, երևում է ինչ-որ մեկի պատկերը: Սարսափեցնող է, չէ ՞:
Հավատացեք, որ բավականին երկար ժամանակ կանցնի մինչ Դուք կընտելանաք այդ անծանոթին: Նախընտրելի է, որ ննջասեյակի դուռը և մահճակալի գլխամասը չլինեն միևնույն պատի վրա: Նման մոտեցումը կապված է մարդկային բնազդի հետ, քանի որ, երբ մարդը գտնվում է փակ տարածության մեջ, իրեն ապահով է զգում միայն այն պարագայում, երբ ամբողջությամբ տեսնում է դիմացի տարածությունը և բոլոր մուտքերը, որտեղից կարող է մեկ այլ անձ ներս մտնել: Դա հատկապես կարևոր է տղամարդկանց համար, քանի որ վերջիններս մշտապես ցանկանում են վերահսկել իրավիճակը:
Մահճակալին կից սեղանիկը (тумбочка) չպետք է խոչընդոտի զգեստապահարանի դռան բացվելուն: Սա այնպիսի ակնհայտ մանրուք է, որ հաճախ մոռացվում է: Այս կետը որոշվում է նախագծման փուլում, երբ ներկառուցված զգեստապահարանը չի ունենում շարժական դռներ ՝ այլ դեպի մահճակալը բացվող, պետք է հաշվի առնել դռնակի չափսը (սովորաբար 50-60 սմ), և տեղադրել մահճապահարանը այդ տարածությունից ոչ ավելի մոտ: Եթե զգեստապահարանը կողքի հատվածով մոտ է պատուհանին, ապա լավ կլինի այն չհասցնել մինչև պատը, այլ թողնել տարածություն վարագույրների համար:
Զգեստասենյակ ննջարանում
Եթե տարածությունը թույլ է տալիս, ապա հարցը, թե արդյո՞ք ննջարանում արժե կառուցել հանդերձապարան՝ անիմաստ է, քանի որ այդ պարագայում միանշանակ կպատասխանենք, այո, պետք է տեղադրել: Սա ժամանակակից կյանքի որակ է: Հարմարվետ պահեստավորման համակարգերը թույլ են տալիս առավել կոկիկ դասավորություն ստանալ և ներկայանալի տեսք հաղորդել Ձեր ննջասենյակին:
Հանդերձապահարանը թեթևացնում է ննջարանի տարածքը ավելորդ իրերից` թաքցնելով այդ ամենը դռների հետևում: Մինիմալ տարածությունը դարակաշարերի միջև չպետք է գերազանցի 90 սմ-ը, իհարկե, իդեալական կլինի տեղ թողնել զգեստափոխման և փափկաթոռի համար, որի վրա հնարավոր կլինի նստել, կամ դասավորել իրերը: Հանդերզապահանի կոնֆիգուրացիան բազմազան է. այն կարղ է ունենալ ռուսերեն П-ի կամ Г-ի ձև և այն կարող է լինել նաև միջանցիկ, երբ օրինակ հանդերձապահարանի միջով հայտնվում ես լողասենյակում, այդ պարագայում պահարանները պետք է տեղադրվեն պատերի երկու կողմից՝ իրար դիմաց:
Փոքր ննջասենյակի դիզայն
Եթե Ձեր տրամադրության տակ շատ քիչ տարածություն կա, բայց ցանկանում եք լիարժեք ինտերիեր ստեղծել և դրա մեջ տեղավորել այն ամենը ինչ, ապա Prestige Furntiture-ի մասնագետները խորհուրդ են տալիս օգտվել հետևյալ հնարքներից:
Օրինակ մահճակալին կից սեղանիքը (тумбочка), բացի իր անմիջական գործառույթից, կարող է ծառայել նաև որպես զարդասեղան՝ բավական է միայն հետևում հայելի տեղադրել: Հայելին կարելի է նաև տեղադրել զգեստապահարանի կամ մուտքի դռան վրա: Փոքր ննջարանում նախընտրելի է օգտագործել շարժական մեզանիզմով զգեստապահարան, ինչը, նույնպես կօգնի տարածություն խնայել:
Ներկայում հաճախ հանդիպում են ինտեգրված դարակներով մահճակալներ, ինչը շատ հարմար է սպիտակեղենը, վերմակները և բարձերը պահելու համար: Խուսափեք շատ դարակներ և դեկորատիվ իրեր օգտագործել սենյակում, քանի որ դա տեսողական լիության և խառնաշփոթի տպավորություն կթողնի: Ճիշտ տեղադրված հայելին իդեալական է փոքր սենյակին մեծ տարածության զգացում հաղորդելու համար: Փոքր սենյակում նախընտրելի է օգտագործել բաց գույներ:
Ի՞նչպես ավելացնել բնական լույս ննջարանում
Գատնիքը այն է, որ բոլոր հորիզոնական մակերեսները հարկավոր է լուսավոր և բաց պահել, առանց ավելորդ առարկաներով ծանրաբեռնելու, քանի որ, օրինակ ՝ պատուհանագոգն ի վիճակի է լրացուցիչ լույս ապահովել սենյակում:
Փափուկ պանելները, վարագույրները և գորգերը բավականին շատ լույս են կլանում, և պետք է դա հաշվի առնել: Հատակից մինչև առաստաղ ձգվող հայելին կարող է արտացոլել հսկայական քանակության լրացուցիչ լույս և զգալիորեն ընդլայնել տարածությունը:
Գույները ննջասենյակի ինտերիերում
Գունային գամմայի ընտրությունը չափազանց կարևոր է ննջարանի նախագծման ժամանակ: Անհրաժեշտ է հաշվի առնել այն փաստը, որ ննջասեյակը մի վայր է, որտեղ մենք ննջում ենք և հանգստանում, և սենյակի ինտերիերը պետք է նպաստի դրան: Հարկավոր է խուսափել վառ գույներից և ընտրել հանգիստ, եթերային գույներ:
Ջերմ ճերմակին հարող երանգները լավագույն լուծումն են: Ոչ ստանդարտ , բայց հետքրքիր տարբերակ է նաև մուգ ննջասենյակը: Սև պատերը, մուգ վարագույրները և մուգ գույնի կահույքը ոչ բոլորին դուր կգա, բայց պետք է նաև հաշվի առնել, որ այս երանգները խթանում են առողջ քունը և դիզայներական տեսք հաղորդում սենյակին:
Ավելի քան 20 տարի շարունակ Prestige Furniture-ի փորձառու մասնագետները տրամադրում ենյուրօրինակ և որակյալ դիզայներական լուծումներ` ապահովելով առավելագույնհարմարավետություն ու հուսալիություն:
8 խորհուրդ, որոնք կօգնեն ժամանակակից ննջասենյակի համար կահույքի ընտրության ժամանակ
Ննջասենյակը, անկասկած, տան ամենակարևոր սենյակներից է: Այն Ձեր անձական տարածքն է, որտեղ Դուք պետք է հանգստանաք և վերականգնվեք` ծանր աշխատանքային օրից հետո:
Ձեր ննջասենյակի համար կահույք պատվիրելիս, պետք է առաջնորդվեք մեկ կարևորագույն սկզբունքով – կահույքը պետք է լինի հարմարավետ և պրակտիկ:
Պետք է նաև ուշադրություն դարձնել կահույքի էսթետիկ տեսքին և ֆունկցիոնալությունը: Ստորև Prestige Furniture-ի մասնագետները ներկայացնում են մի քանի խորհուրդ, որոնք կօգնեն Ձեզ ճիշտ ընտրություն կատարել:
1. Պատվիրելով ժամանակակից ննջասենյակի կահույք Դուք պետք է հաշվենկատորեն պլանանորեք սենյակի տարածքը, որպեսզի կահույքը համապատասխանի ննջարանի չափին: Եթե սենյակը փոքր է, ապա ավելի լավ կլինի ընտրել մահճակալ, որը չափազանց մեծ չի լինի:
2. Փոքր սենյակի համար գերազանց տարբերակ կարող է լինել բացվող, թաքնված դարակով մահճակալի ընտրությունը: Նման մահճակալները բավականին տարողունակ են և կարող են տեղավորել մի ամբողջ զգեստապահարանի պարունակությունը
3. Նրանք, ովքեր նախընտրում են հեռուստացույց դիտել կամ ընթերցանությամբ զբաղվել իրենց ննջարանում, մեծ ուշադրություն պետք է դարձնեն մահճակալի մոդելին: Այս պարագայում նախընտրելի է փափուկ գլխով մահճակալը, քանի որ այն ոչ միայն գեղեցիկ տեսք ունի, այլև շատ հարմարավետ է հենվելու համար:
4. Ննջասենյակը ոչ միայն քնելու վայր է, այլև սենյակ, որտեղ մենք զբաղվում ենք մեր անձնական խնամքով: Հետևաբար այստեղ տեղին կլինի ունենալ փոքրիկ զարդասեղան, որը պետք է տեղադրվի սենյակի առավել լուսավոր հատվածում, օրինակ` պատուհանի մոտ:
5. Prestige Furniture-ի մասնագետները խորհուրդ են տալիս հնարավորինս մեծ տարածք հատկացնել զգեստապահարանին, որպեսզի մեկ տեղում հնարավոր լինի տեղավորել ամբողջ հագուստը: Շատ լավ կնայվեն ներկառուցվող պահարանները, հատկապես, երբ ազատ պատ ունեք ննջասենյակում:
6. Երբեմն դժվար է գտնել տեղ մեր գիշերազգեստի և մահճակալի ծածկոցի համար: Հետևաբար մահճակալին կից փոքրիկ բազմոց-նստարանը կօգնի Ձեզ լուծել այս խնդիրը: Այն կարող է տեղադրվել մահճակալի ստորին հատվածում: Ի դեպ, կարող եք դրա վրա դասավորել մահճակալի դեկորատիվ բարձերը և այլ պարագաներ:
7. Եթե Դուք ունեք մեծ ննջասենյակ, ապա կարող եք տեղադրել լրացուցիչ կահույք, օրինակ` կոմոդ: Վերջինս միշտ պետք է համապատասխանի զգեստապահարանի ոճին, և կարողանա տեղավորել հագուստն ու հավելյալ անձանական իրերը, որոնք չեն տեղավորվել Ձեր պահարանում:
8. Իսկ, եթե նախընտրում եք մահճակալին կից սեղանիկներ (тумбочка), ապա պետք է հաշվի առնեք վերջիններիս բարձրությունը, քանի որ դրանք մահճակալի հետ նույն բարձության վրա պետք է լինեն, այլապես անհարմար կդառնան օգտագործման համար:
Prestige Furniture-ի հմուտ մասնագետները կօգնեն Ձեզ ընտրել իդեալական տարբերակ, որը կհամապատասխանի հենց Ձեր ննջարանին:
